Kapatid ni Ethel Booba May sex scandal, kapatid ni Nathalie na laging talunan susubok sa Star Hunt!

SEEN: Mapangahas si RS Francisco dahil inulit niya ang frontal nudity scene sa stageplay na M Butterfly na mapapanood simula ngayong gabi sa Maybank Performing Arts Theater, Bonifacio Global City. Forty four years –old na ngayon si RS na una nang nagbida sa M Butterfly noong 18-years old siya.

SCENE: Ang Frontrow Entertainment ang producer ng M Butterfly. Ginastusan ng Frontrow Entertainment ang M Butterfly dahil dumayo pa si RS Francisco sa Great Wall of China sa Beijing para sa pictorial ng publicity photos ng stageplay na tinatampukan niya.

SCENE: Si Maricris Garcia ang produ­cer ng MAR1CR1S, ang kanyang 11th anniversary at birthday concert sa Tea­trino Greenhills sa September 28. Sa September 26 ang actual 30th birthday ni Maricris.

SEEN: May video scandal na rin ang kapatid na lalake ni Ethel Booba. It runs in the family dahil may video scandal din si Ethel at isa pa nilang kapatid na gumagamit ng screen name na Boobita.

SEEN: Kasali si Kenneth Snell sa Star Hunt, ang talent search contest ng ABS-CBN. Si Kenneth ang kontesero na younger brother ng pregnant actress na si Nathalie Hart. Sumali na si Kenneth sa halos lahat ng mga bikini contest at male beauty pageants pero hindi niya nakukuha ang top prize.

SCENE: Nasa bansa ang mga sikat na American singer noong dekada ’80 na sina Debbie Gibson at Tiffany para sa concert nila sa Mall of Asia Arena sa September 15.

SEEN: Masaya si Louise delos Reyes dahil natupad na ang pangarap niya na makagawa ng pelikula sa Viva Films. Ang Para sa Mga Broken-Hearted ang unang pelikula ni Louise sa Viva Films.