Goyo ang batang heneral

CEBU, Philippines – Ang maong pelikula mao ang mopahigmata sa katawhan kun unsa ang tinuod nga panghitabo tali sa komosyon sa mga Pilipino tali sa mga Amerikano niadtong tuig 1980.

Gani, ang maong pelikula mao ang mohatod kanato pagbalik sa panahon kun diin buhi pa ang labing bata nga heneral kinsa mao ang mibarog ug nanalipud sa Pasong Tirad ug sa mga kaubanang militar nga si Gregorio “Goyo” Del Pilar.

Ang aktor nga si Paulo Avelino maoy nidala sa karakter sa  batang heneral nga si Goyo   ug gipasalida na kini sa mga sinehan sukad kagahapon.

Atol sa pagtikang ni Paulo dinhi sa Sugbo sa miaging adlaw alang sa grand premiere sa maong pelikula, gipadayag niya nga dili sayon ang pagdala sa gihuptan niya  nga karakter sanglit kinahanglan gyud niya hatagan og igong hustisya ang pagkatawo sa batang heneral.

Gusto sab nga ipakita ni Paulo nga pinaagi sa pelikula, malaraw sa matag usa kanato kun unsa nga  matang ang  pagpadagan sa atong nasud kaniadto ug sa mga klase sa Pinoy nga adunay dakong kalambigitan sa pagpanalipud sa atong nasud.

“Mahal natin ang ating bayan, kaya patuloy natin itong protektahan.  Hindi basta-basta ang pinagdaanan ng ating mga sundalo noon kaya hindi natin sasayangin ang kanilang ginagawa,”  matud pa ni  Paulo.

Ang pelikula gihatagan og direksyon ni Jerrold Tarog, kinsa mao sab ang mihatag og direksyon sa pelikula nga “Heneral Luna”. Matud pa niya nga dili lalim ang pagama sa maong pelikula gumikan kay miagi kini og daghang pagtoon ug research aron mahulma kini.

Gawas niana, gipaninguha sab sa ilang kampo nga mapakita ang kamatuoran kun unsa gyud ang   nahitabo kaniadto.

“I always start with the facts first, definitely. Once na arrange na, doon na ako nag-iisip kung saan ako puwede maglagay ng fiction. It’s part of my job. As a storyteller, I’m kind of allowed to do that. In a way, it’s tricky. I have to strike a balance between fact and fiction while minimizing the chance of offending anyone. But I’ll offend people nonetheless”, matud pa sa direktor.

Gitug-an sab ni Tarog nga dili lalim ang proseso sa pagama sa maong pelikula tungod sa lokasyon kun diin nakasugat sila og dili maayong panahon.

“Sobrang struggle ang magpaakyat ng more than 200 people up a mountain during rainy season. Shooting from different point of views, iba-ibang hills, so we kept moving around on different areas of the mountain. The logistics of trying to recreate an entire town, 1899 Dagupan…managing the scale as people keep saying na ito ang pinakamalaki na pelikula”, suma pa ni Tarog.

Dugang pa nga gikinahanglan sab nila nga mobalhin og laing bungtod.

“Yung early research namin, umakyat kami twice. Na-realize namin na medyo inaccessible yung site. Hindi puwede mag-shoot doon so we had to look for another mountain. Para siyang ensemble na pelikula with Goyo at the center. Para mas mapalawak ang mundo,” saysay pa ni Tarog.

Nakapokus ang istorya sa batang heneral nga si Goyo kun unsa ang matang sa kinabuhi sa dihang gitugyanan siya og katungdanan bisan og batan-on pa.

Gawas niana, mapakita sa pelikula ang mga distraksyon sa kinabuhi sa batang heneral.

Matud pa  ni Paulo  nga dakong pasalamat niya nga sa katapusan mapagawas na ang pelikula nga gigama nila kapin sa usa na ka tuig.

Kauban ni Paulo sa pagtikang dinhi sa Sugbo sila si Mon Confiado, Carlo Aquino, Gwen Zamora, Empress Schuck, Rafa Siguion-Reyna, Stephanie Sol, Jason Dewey.

Suma pa sa producer sa pelikula nga si Daphne Chiu nga ang Goyo mao ang angay nga tan-awon sa tanan gumikan kay daghan kini og nagpahipi nga kamatuoran ug kasayuran nga alang sa tanan.

“We’ll let the product speak for itself. Mapapanood, malalaman at mapapatunayan natin kung bakit siya biggest epic Filipino film in movie history,” suma pa ni Chui.

Gawas sa TBA Studios,  co-producer usab si Paulo sa maong movie project.