Ang Probinsyano actor naka-salawal lang nang matagpuan ang bangkay

SEEN: Sumugod sa airport ang former sexy star na si Klaudia Koronel at nagbanta na ipapa-media ang mga empleyado ng NAIA dahil sa nawala niyang bagahe mula sa Amerika sa Ninoy Aquino International Airport. Biglang lumitaw ang bagahe niya pagkatapos niyang magwala.

SCENE: Sumabak na si Rita Daniela sa sexy pictorial para sa digital edition ng FHM at makatulong sana ito upang mapansin siya at magkaroon ng bagong sigla ang kanyang singing at acting career. Cast member si Rita ng My Special Tatay ng GMA 7.

SCENE: Masaya ang Star Cinema sa first day box office gross ng The Hows of Us, ang pelikula nina Daniel Padilla at Kathryn Bernardo na nagbukas sa mga sinehan noong Miyerkules. Umabot umano sa P35 million ang first day gross nito.

SEEN: Bitplayer sa mga teleserye ng ABS-CBN si Arnold Corpuz, pero ang aktor ng Ang Probinsyano ang mga headline ngayon tungkol sa pagpaslang sa kanya sa tahanan niya sa Silang Cavite. Tadtad ng saksak at underwear lamang ang suot ni Corpuz nang matagpuan ang walang buhay niyang katawan.

SCENE: May movie book na ang Filipino adaptation ng Miss Granny at mabibili ito sa branches ng National Bookstore at Powerbooks. Ang VRJ Publishing Inc. ang publisher ng Miss Granny movie book.