Nagkadako ang kita

CEBU, Philippines – Dul-an na matud pa sa P60 million ang kita sa pelikula ni Sarah Geronimo  nga Miss Granny sulod sa lima ka adlaw nga pagpasalida niini.  Giingong nikusog kini og samot niadtong weekend. Matud pa nga  niadtong Domingo, nikita kini og P21M sa mao ranga adlaw.  Nasayran nga  moabot sa 230 ka sinehan  nationwide ang

nagpasalida  niini.

LJ mabdos

Malipayong gipahibalo sa Kapuso actress nga si LJ Reyes nga mabdos siya alang sa umaabot nga anak  nila sa iyang boyfriend nga si Paolo Contis. Taod-taod na ang relasyon nila ni LJ ug Paolo. Aduna na’y unang anak si LJ sa kanhi niya boyfriend nga si Paulo Avelino.

Drama ug action

Tsika pa ni Janice de Belen nga dili gyud basta-basta ang serye ni Angel Locsin nga The General’s Daughter. Nalakip si Janice sa maong proyekto ug nakita gyud niya ang heavy drama ug action sa pipila ka eksena niini

Shawie nayayay

Maglisod og bangon si Sharon Cuneta sa miaging adlaw gumikan sa  naglain niya nga lawas.  Nagmalaumon siya nga maayo dayon aron makatrabaho na siya og balik. “Please pray for me.  I’m sick. Coughing. Body aching badly. Bedridden since yesterday. Worse today. Antibiotics & all. Can’t stay sick. Thanks so much,” suma pa sa iyang IG post.

Magsilbing producer

Si Inigo Pascual maoy mo-produce sa iyang kaugalingong music video nga gikatakdang buhaton sa sunod nga mga adlaw.  Dili magsalig si Inigo sa iyang amahan nga si Piolo Pascual sanglit maigo pa man ang iyang tinigom.

Engaged na

Malipayon si Archi Alemania gumikan kay engaged na gyud sila sa iyang hinigugma nga si   Gee Canlas.  Taod-taod na gyud  siya nga nagplano nga  mo-propose kang Gee  busa puwerti niyang lipaya gumikan kay nisugot dayon kini sa iyang pag-propose.

“Para sa Broken Hearted”

Gipalugwa na online ang teaser sa pelikulang  “Para sa Broken Hearted” ug gibahaan dayon kini og mga positibong feedback.  Ang maong pelikula gibidahan nila ni Yassi Pressman, Shy Carlos, Louise Delos Reyes, Marco Gumabao ug Sam Concepcion. Usa ka movie adaptation “ang Para sa Broken Hearted” sa bestselling novel ni  Marcelo Santos III.

Tabangan ni Alden

Human nakalugwa si Alden Richards sa usa ka episode  sa Kapuso Mo Jessica Sojo diin giduaw niya ang iyang fan nga si  Niño Dayon nga taga- Negros Occidental, nakahukom ang  aktor nga siya ang mogasto sa pagpa-eskwela  niini hangtud na sa kolehiyo. Ang maong bata gipanganak nga wala’y kamot apan duna kini dakong dedikasyon sa iyang pag-eskwela.

Apil unta

Tsika pa ni Enrique Gil nga malakip gyud diay unta siya sa pelikula ni Liza Soberano nga  Darna apan wala kini madayon gumikan kay hatagan na lang siya og laing proyekto.  Gani nakatambong na siya og usa ka storycon sa maong pelikula.

Reunion project

Magkauban og balik sa TV screen ang Star Circle Quest love team ug kanhi mag-uyab nga sila si  Joross Gamboa ug Roxanne Guinoo . Ang duha maoy bida sa umaabot nga episode sa  Maalaala Mo Kaya .  “Hello everyone sana supportahan niyo po ang balik tambalan ng #jorox sa #mmk ngayong dadating na sabado! Godbless Everyone,” suma pa sa IG post ni Joross.

Dako og tsansa

Gibutyag ni Barbie Imperial nga duna’y dakong tsansa si JM De Guzman nga makabaton og  espasyo sa iyang kasingkasing.  Suma pa nga nakaila na gyud siya og maayo ni JM sukad sila nagpares sa seryeng Araw Gabii. Apan niisa ang kilay sa bashers ni Barbie sa bag-o niyang lenggua sanglit hagbay ra nga nigawas ang tsismis nga nagkasinabtanay na ang duha.