Lahi ang prayoridad

CEBU, Philippines – Tsika pa  sa anak nila ni Richard ug  Lucy Gomez nga si Juliana  nga naka-focus siya karon sa iyang pag-eskwela ug  sa iyang pagka-varsity player sa volleyball.  Usa kini sa rason nga dili siya makasayon-sayon og  dawat og showbiz offer.

Last concert

Tsika pa ni  Anne Curtis nga katapusan na niya nga concert ang AnneKulit karong August 18 sa Smart Araneta Coliseum gumikan kay prayoridad gyud niya ang  hosting ug pag-arte.  Mapasalamaton si Anne sa iyang fans gumikan kay kanunay nga mo-click ang iyang concert bisan pa man nga dili siya singer.

Carlo nahugyaw

Wala damha ni Carlo Aquino ang init nga paghangop sa mga tawo sa pagbanhaw sa tandem nila ni Angelica Panganiban.  Nasayran nga nag-trending ang teaser sa pelikula nila nga Baggage. “Nagugulat ako doon sa pagtanggap ng mga tao, na nandiyan pa din sila. Kinikilig pa din sila sa amin. Siguro nakadagdag na lang din sa amin na parehas kaming single, wala kaming dini-date or hindi kami taken,” suma pa ni  Carlo.

My Special Tatay

Napanglantawan ni Ken Chan nga molawig na pud og balik ang iyang career gumikan sa pagkalakip niya sa bag-ong serye sa GMA-7 nga My Special Tatay. Posibleng i-ere ang maong serye sulod karong buwana ug ibutang kini sa panghapon nga timeslot.

Kasal giuswag

Giuswag nila ni Sancho delas Alas ug  Shanna Retuya ang ilang kasal.  Imbes mahitabo kini karong December, ilaha kining giuswag sunod tuig.  Todo pangandam ang managhigugmaay sa maong okasyon.

Nagkat-on og luto

Aron dili  laayon,  ni-eskwela si Aubrey Miles sa usa  ka culinary arts school. Gusto sa aktres nga duna’y kalingawan  samtang  nagsabak siya alang sa ikatulong anak nila ni Troy Montero.

Malangan pa

Busy si Richard Gomez sa iyang  mga gimbuhaton isip mayor sa  Ormoc, busa dili pa matino kung kanus-a  sugdan ang movie project nila ni Sharon Cuneta. Una na nga gipadayag ni Sharon  nga excited na kaayo siya nga makauban pagbalik sa trabaho si Richard.

Mag-solo

Mahiligon si Enchong Dee nga mobakasyon nga nag-inusara. Matud pa sa aktor nga daghan siya og maila-ila basta molaag siya. Nagpabiling single si Enchong ug wala pa siya’y plano nga mosulod pagbalik sa usa ka relasyon.

Nakagawas na

Nakagawas na sa prisohan ang kanhi child star nga si  CJ Ramos human sa pipila  ka adlaw nga pagkapriso tungod sa ilegal nga drugas.  Kahinumdoman nga nadakpan si CJ atol sa buy-bust operation sa Tandang Sora, Quezon City, niadtong July 31 sa gabii. 

Giintriga ang tweet

Giintriga sa fans ni  Gretchen Ho ang iyang  tweet sa miaging adlaw nga duna’y linya nga “heartbroken and humbled.”

Giklaro  ni Gretchen nga dili si Robi Domingo ang giigo niya sa maong mensahe.   Nasayran nga usa ka tuig na nga buwag sila si Gretchen ug Robi.