Loisa nasakitan sa “one night stand issue”

CEBU, Philippines – Sama sa ubang mag-uyab, mag-agi usab sila og mga pagsuway, kini maoy gibutyag  ni  Loisa Andalio  sa istado nila ni Ronnie Alonte apan nagmalipayon sila gumikan kay nahusay na kini.

Nasakitan si  Loisa sa tsismis nga matud pa nga nakasuway siya og one night stand  nga usa sa rason nga nag-away sila ni Ronnie.

Matud pa sa aktres nga wala’y kamatuoran ang maong taho.

“Na-offend talaga ako sa ‘one-night stand’ na sinasabi nila, na hindi naman talaga totoo,” tsika pa niya ngadto sa PEP.

Dili na siya ganahan nga patulan pa ang maong isyu  gumikan kay nasayod siya sa iyang kaugalingon nga dili kini tinuod.