Kompleto na

CEBU, Philippines – Gibutyag ni Direk Erik Matti nga kompleto na ang cast sa pelikula nga “Darna” kun diin bida niini si Liza Soberano. Aduna na’y modala sa mga role ni Ding ug Valentina. Apan dili pa mahimong ibutyag kun kinsa kini aron kahinaman kini og maayo sa publiko.

Nibalik sa pagkabata

Gikalipay pag-ayo ni Devon Seron sa pagkalakip niya sa  musical film nga ubos sa direksyon ni Jason Paul Laxamana nga Bakwit Boys . Usa kini sa entry  sa Pista ng Pelikulang Pilipino. “Nakipag-meet ako agad kay direk and with the producer and excited ako talaga na gawin siya kasi hindi naman talaga ako yung singer pero may passion din naman ako sa music, sa pagtugtog ng gitara so parang feeling ko bumalik yung mga gusto kong gawin sa buhay nung bata pa ako, yung mga forgotten dreams”, suma pa ni Devon.

Kever sa bilyones

Gitataw ni Piolo Pascual nga bisan tanyagan siya og bilyones,  dili gyud  siya mosulod  sa kalibotan sa politika. “I don’t need politics. Besides I didn’t study politics and maski bayaran mo ako ng isang bilyon hindi ako tatakbo”, pulong pa ni Piolo Pascual.

Movie producer

Sa 30 ka tuig sa singer-songwriter nga si Ogie Alcasid sa showbiz, gipasigarbo niya nga naka-produce na gyud siya sa iyang bidahan nga pelikula nga Kuya Wes nga usa sa mga opisyal nga entry sa 2018 Cinemalaya independent Film Festival. Tsika pa ni Ogie nga usa siya ka newbie producer ug gikalipay niya nga positibo ang mga  komento nga iyang nabasahan gikan sa netizens human nga gipagawas ang trailer .

Naanad na

Gitug-an ni Jason Paul Laxamana nga dili na kaayo siya conscious sa kita sa takilya sa iyang mga gimugna nga pelikula.“Not as much as before. Pero on a personal level, hindi na ako ganun ka-affected. Malulungkot siguro ako for a few days then gawa lang ng bago”, suma pa ni Direk Jason.

Natuldukan na

Gituldukan na ni Anne Curtis ang isyu kabahin sa nag-viral nga billboard kun diin adunay takob ang iyang giindorso nga bottled flavored water. Pinaagi sa iyang Twitter account, gitubag ni Anne nga wala gyud kini takub mao nga dili na angay nga kagubtan. “Actually if you zoom in. Wala talagang takip it’s just dark. The agency isn’t that stupid naman if you look for the BTS video of the shoot you’ll see walang takip”, tubag pa ni Anne.

Billie and  Emma

Natuman gyud ang pangandoy sa Hashtags member nga si Ryle Santiago nga malakip sa usa ka film festival. Nalakip  ang aktor sa pelikulang  Bakwit Boys. Mao kini ang unang pelikula niya nga pasok sa umaabot nga  Pista ng Pelikulang Pilipino. Human sa maong film fest, isunod na sab niya og shoot ang labing una nga pelikula nga iyang bidahan nga mag-ulohan og “Billie and Emma” kun diin makauban niya ang GMA actress  nga si Gabbi Garcia.

Direk Coco

Gitug-an ni JC Santos nga daghan siya og nakat-onan ni Coco Martin sa dihang nahimo siya parte sa serye nga “FPJ’s Ang Probinsyano”. Dako gyud og respeto si JC ngadto kang Coco. Gani, “Direk Coco” na ang tawag niya niini. Matud pa ni JC nga adunay mga eksena sa maong serye nga si Coco mismo ang mohatag og direksyon. Dugang pa nga mao sab kini ang momaniho og giya sa mga aktor kun unsa ang tukmang attitude nga ipakita sa maong  eksena.

Wala nagkasinabot

Gikumpirma ni Elisse Joson nga gi-unfollow siya ni McCoy de Leon sa Instagram. Tsika pa ni Elisse nga aduna silay misunderstanding sa iyang onscreen partner nga hangtud karon wala pa mahusay.