Nagbalik ra man diay

Dali nga napapas ang niulbo nga report nga matud pa nagbuwag na sila si  Ronnie Alonte ug Loisa Andalio gumikan kay nakit-an ang duha  nga sweet kaayo ug naghawkanay pa gyud. Suma pa sa ilang mga suod nga higala, nasulbad ra dayon ang ilang gamay nga misunderstanding sa miaging semana.

Kapoyan og tubag

Dili kaayo interesado motubag si Jericho Rosales sa higayon nga pangutan-on siya kanus-a sila gusto makaanak sa iyang asawa nga si Kim Jones.  Dul-an na sa lima ka tuig ang ilang kaminyuon apan wala pa sila’y plano nga makabaton og anak. "Not offended, but I think it’s more of, like, I understand not everyone is informed about the feelings. It’s about being well-informed about the feelings of couples“ suma pa ni Echo.

Maka-proud

Matud pa ni Kris Aquino nga dakong garbo alang kaniya ang pagkalakip sa Pelikulang Crazy Rich Asians.  Matud pa, duna’y mga eksena niini nga makahatag og dungog sa mga Pinoy. "

Kalas og oras

Tsika pa ni Andrea Torres nga  wala na siya’y panahon nga tagdon ang iyang bashers. Sa kadaghan niyang trabaho, dili niya usikan ang iyang oras sa pag-atiman sa mga butang nga dili makahatag og kaayohan sa iyang career.

Nakulbaan gamay

Giangkon ni Janine Gutierrez nga gibati gyud niya ang gamay nga kakulba sa dihang nasayod siya nga iyang makapares si Alden Richards  sa  seryeng Victor Magtanggol. Matud pa niya nga dili malikayan mogawas gyud ang nagkalain-laing reaksyon sa mga tawo.

Mosuway og lain

Gawas sa  pag-arte ug pagkanta, gisudlan na usab karon ni Khalil Ramos ang pagama og pelikula."I had this phase in my life when I wanted to find my place talaga here in this industry—kung saan ba dapat talaga ako, saan ba ako patungo, ano ba talaga ang gusto ko,” matud pa niya.

Lahi ra gyud!

Usa ka tuig na ang kaminyuon nila ni Rochelle Pangilinan ug Arthur Solinap karong  August 8, 2018. Matud pa ni Rochelle nga lahi ra gyud ang kinabuhing minyo.  “Kung pupuwede lang i-suggest sa iba na mag-asawa na rin sila,”  nagkatawang gipadayag ni Rochelle.

Nagkasinabtanay na?

Gidungog nga  dunay  gitagong relasyon  ang komedyanteng aktres nga si  Divine Aucina ug ang Kapuso hunk nga si Dave Bornea.  Dili pa lang dugay, nag-post si Dave sa Instagram og sweet birthday message alang kang Divine.  “Hi Pangga! Gusto ko lang sabihin sayo na ikaw ang pinaka maganda at special na bagay na binigay ng Itaas sa akin! Pangga sa birthday mo na to ang pwede ko lang maibigay ang tunay na pagmamahal ko para sayo. Wish you all the best pangga! Mahal na mahal kita pangga!? Divine Grace,” suma pa ni  Dave.

Dili basta-basta

Gipanghambog ni  Ogie Alcasid ang performers nga  molugwa sa iyang  30th anniversary concert karong Agosto 24 sa Araneta Coliseum. Kini sama nila ni  Vice Ganda, Rey Valera, Janno Gibbs, Yeng Constantino, ug Moira dela Torre.

Naglisod sa eksena

Tsika pa ni Liza Soberano nga naglisod gyud siya sa pipila niya nga mga eksena sa upcoming movie nga Darna. Mapasalamaton siya kang Direk Erik Matti gumikan kay maayo ang paghupot niini sa maong proyekto hinungdan nga nahuman gyud niya ang mga lisod nga eksena."It was a good thing na si Direk Erik Matti was there to help me with the scenes,” suma pa sa aktres.

Uyon kang Maymay

Wala‘y nakitang daotan ang beauty queen nga si  Catriona Gray kun  si Maymay Entrata ang modala sa iyang karakter pananglitan himuan og episode sa Maalaala Mo Kaya ang istorya sa iyang kinabuhi. Matud pa ni Catriona nga nahimamat na niya si Maymay sa personal ug maayo kining tawo.

Pampa-relax

Nag-uban ang mag-uyab nga sila si Gerald Anderson ug Bea Alonzo sa pagtan-aw og PBA game sa miaging gabii. Suma pa sa duha, nga usa kini sa matang sa ilang bonding   nga pampawala sa stress.