Balay ni Gerald gilungkab

CEBU, Philippines – Gilungkab ang balay ug nakawatan  og pipila ka mga gamit ang Kapamilya actor nga si Gerald Anderson.

Suma pa sa  ABS-CBN News Online, nakit-an matud pa sa personal assistant ni Gerald nga si Jalil Laidan ang usa ka lalaki kilid sa sakyanan sa  aktor niadtong  Huwebes.

Samtang ang saksi nga si Erwin Ebora, driver sa silingan ni Gerald, nga nakakita siya nga nisulod ug nigawas  ang  suspek sa balay sa aktor.

Gisita niya ang  maong tawo  apan nisutoy kini og dagan  ug  nadakpan ra pud kini.

Nakuha sa  suspek ang mga  sapatos ug  mga T-shirt. Giingong anak sa kanhi kasaligan ni Gerald ang maong tawo. Gihimakak sa nahisgutan ang pasangil nga gibato kaniya.