90s Regal Babies nag-reunion

CEBU, Philippines —  Sa dili pa mobalik sa Amerika, gipahimuslan gyud ni Jackie Foster ang pagtikang niya dinhi sa Pilipinas.

Nakighimamat gyud siya sa iyang mga higala ug kauban niya kaniadto isip “90s Regal babies” nga sila si  Karla Estrada, Sunshine Cruz, Ruffa Gutierrez, ug Donita Rose.

Nitambong usab sa maong panagtapok ang anak ni Jackie nga si Kobe Paras ug ang rumored girlfriend niini nga Ateneo Volleyball player  nga si  Ponggay Gaston.

"In good and times ... Friends for life,” suma pa sa Instagram post sa higala ni Jackie nga si Ruffa.

Nagkauban usab sila kaniadto sa variety show nga That's Entertainment.