Hangyo ni angel

Mihangyo na si Angel Locsin sa kadaghanan nga hunungan na ang pagtandi ni Liza Soberano ngadto kaniya. Sa iyang instagram post, gitubag ni Angel ang mga netizen nga nibuhi  og dili maayong komento ngadto kang Liza. Matud pa ni Angel nga maayo modala og mga action scene si  Liza sa Bagani mao nga kampante sab siya nga mahatagan sa aktres  og hustisya ang karakter ni Darna.

Naanad na

Dili na bag-o kang Pia Wurtzbach ang isyu nga nanambok na siya. Matud pa ni Pia nga bisan og wala pa siya niapil kaniadto sa Miss Universe niadtong 2015, anaa na kining maong isyu mao nga dili na siya masakitan niini.  Dili na big deal alang kaniya ang maong obserbasyon.

Gilungkab ang sakyanan

Bag-uhay lang gipahibawo ni Dingdong Avanzado nga na-stress gyud siya sa miaging semana tungod kay gilungkab ang iyang sakyanan didto sa Vallejo, California. Sigon pa ni Dingdong nga gikawat ang iyang pitaka, driver’s license, cash ug credit cards. Matud pa niya nga na-trauma siya sa maong panghitabo tungod kay nabuak gyud ang bintana  sa iyang sakyanan. Nakaginhawa ra sab si Dingdong tungod kay wala niya makauban niadtong higayuna ang iyang asawa ug anak nga si Jessa ug Jayda.

Unang nagpatagad

Gikilig og maayo si  Mariel Rodriguez sa dihang gisaysay niya ang love story nila ni Robin Padilla atol sa iyang paglugwa sa  Magandang Buhay. Matud pa ni Mariel nga kanunay siya nga magpadala og suwat ngadto sa action star samtang nagkauban pa sila nga host sa noontime show nga Wowowee. Wala damha ni Mariel nga matagad siya sa aktor. Dugang pa ni Mariel nga saksi ang mga kadagkuan sa ABS-CBN sa ilang love story tungod kay mao kini ang nahimong taytayan  aron magkadayon silang duha.

Nadisgrasya

Gibahin ni Angelica Panganiban ang usa ka video clip sa iyang social media account kun diin kauban niya ang iyang kanhi boyfriend nga  si Carlo Aquino kun diin nakig-istorya kini sa usa ka tawo. Tsika pa ni Angelica Panganiban nga nagplano silang duha ni Carlo nga mag-roadtrip apan kalit lamang sila nga naaksidente. Matud pa ni Angelica nga wala ray angay nga ikabalaka sa maong insidente tungod kay wala sila naangol. Magpares ang duha sa pelikulang Exes Baggage.

Mopuyo sa amerika

Anaa na sa hunahuna sa OPM singer nga si Mark Bautista nga  mopahiluna sa Estados Unidos ug biyaan ang iyang karera dinhi sa Pilipinas. "‘Yung first talaga, it’s funny, naisip ko na mag-States na lang kaya ako? Mag-audition na lang ako don nang mag-audition. Maghanap na ako dun ng roles”, suma pa ni Mark.

Maglisod og halok

Gibutyag ni Joross Gamboa nga dili pa siya mahimong makahalok sa iyang anak ug asawa tungod sa iyang bungot. Matud pa ni Joross nga wala pa sab siya’y plano nga tangtangon kini tungod kay nagpadayon pa ang iyang karakter isip usa ka  sakop sa NPA sa FPJ’s Ang Probinsiyano.

Napungot sa netizen

Nainsulto si 2018 Miss Universe Philippines candidate nga si Catriona Gray tungod sa usa ka netizen nga nangutana kun pila ang iyang vital statistics. Matud pa sa netizen nga dili daw katuohan ang gihatag nga figure sa  beauty queen.  Apan personal sab kini nga gitubag ni Catriona pinaagi sa pag-reply niini sa komento sa iyang gi-upload nga hulagway nga Instagram. “What number would be good for you? What number constitutes my worth, or a “perfect” figure? I hope you would see women as individuals whose worth are defined by what they do and who they are, not by numbers on a tape”, tubag pa ni Catriona.

Maka- pressure

Gipadayag ni KC Concepcion ang iyang gibati nga pressure samtang naa pa siya kaniadto sa  kalibutan sa showbiz. “Sa ating mga nasa showbiz, when you’re doing teleserye work, movie work, wala ka ng time para mag-relax. And when, in your personal life things happen, it’s harder to cope when you’re pushing your body too hard. Kapag artista, parang ang expectation wala kang problem. Minsan masama yung pakiramdam mo or hindi ka naka-smile, may masasabi agad. Expectations are really leveled up”, matud pa ni KC.

Katin-awan

Wala makauyon si  Kobe Paras sa akusasyon nga matud pa kontrolado sa iyang ginikanan nga sila si Jackie Forster ug Benjie Paras ang iyang mga desisyon sa kinabuhi. “I control my life. Not my mom. Not my dad. I do. Everything I do is my decision & my choice. I don’t want to hear anymore fake news that my dad/mom chooses, controls, tells me what to do or say. Because this is my life and I live in a circle of consequences that I made”, suma pa ni Kobe.