Surfer bag-ong uyab ni Zanjoe?

CEBU, Philippines – Hugot ang pagtuo sa netizens nga ang sikat nga surfer nga si Josie Prendergast ang bag-ong hinigugma ni Zanjoe Marudo.

Kini human nikatap sa www.fashionpulis ang mga hulagway nilang duha kauban sa ilang mga higala didto sa Siargao.

Ang istorya mao nga tuyo gyud nga nilupad si Zanjoe paingon sa Surigao niini bag-o lang aron surprisahon si Josie sa birthday niini.

Suma pa sa famous birthdays.com,  si Josie didto sa Byron Bay, Australia nagtubo.  Nahimo siyang bida sa usa ka lo-fi documentary kaniadto.

Nakagamit na siya og sikat nga mga surfboards ug nahimong model sa daghang mga magazines. Dinhi na siya sa Pilipinas nagbase karon.