Rayver mibiya sa Star Magic
CEBU, Philippines — Pormal na nga nanamilit si Rayver Cruz sa talent arm sa ABS-CBN nga Star Magic ug nahibaw-an kini human ni-post sa Instagram og panamalit nga mensahe ang iyang handler nga si Nhila Mallari.
“Bro @rayvercruz, i will surely miss you! Promise magkukulitan pa rin tayo. I Love you and the best of luck!” Suma pa sa iyang post.
Kasamtangang gitiwas ni Rayver ang seryeng Bagani nga gibidahan nila ni Liza Soberano ug Enrique Gil.
Nitumaw karon ang mga hungihong nga mobalhin ang aktor sa GMA-7.
Pananglitan mahitabo, makauban na niya sa usa ka network ang igsuon niya nga si Rodjun kinsa nisulod sa maong network sukad niadtong 2013.
Kapuso artist usab ang gidungog niya nga girlfriend nga si Janine Guttierez.
Nasayran nga sa niaging tuig pa nigawas ang tsika nga mobalhin si Rayver sa GMA-7 apan wala kini tubaga sa aktor sanglit naa pa siya’y kontrata sa ABS-CBN niadtong higayona.
- Latest
