Mensahe sa higala

CEBU, Philippines — Mipadayag sa iyang kalipay  ang GMA-7 actress Kyline Alcantara ngadto sa kadaugan sa suod niyang higala nga si Janine Berdin isip Tawag ng Tanghalan Season 2 grand winner sa noontime show nga It's Showtime. Nag-post og throwback photo sa Instagram si Kyline nga kauban ang higala. "Proud of you, @janineberdin. Congratulations! You deserve it,"caption pa niini.

Sexy body

Gibandera sa 54 anyos nga singer-actress Zsa Zsa Padilla ang iyang lawas pinaagi sa pag-post og hulagway sa social media diin nagsul-ob siya og bikini atol sa pagbakasyon nila sa hinigugmang si Conrad Onglao didto sa El Nido, Palawan. Gipaambit sa singer nga ang pagsige niya og zumba maoy sekreto sa iyang sexy figure bisan nga edaran na siya.

Suportado ang Igsuon

Gibutyag sa Kapamilya actor Elmo Magalona nga bisan unsa pa'y mahitabo, todo suporta gihapon siya sa iyang igsoon nga si Frank Magalona kinsa nag-atubang karon sa pasangil nga daw nanghikap kini og sampot sa usa ka host sa bar didto sa Taguig. "He's my brother and I love him and he has my support,"sigon pa sa aktor.

Suwayan ni Drew

Wala matud pa'y kalibutan ang host nga si Drew Arellano kung unsa gyud ang nahitabong panagsungi sa iyang higala nga si Atom Araullo ug sa direktor nga si Mike de Leon. Komedya pa ni Drew nga buot sab siya mosuway og arte sa pelikula aron sab adunay mokomento kaniya nga direktor kalabot sa iyang pag-arte.

Ikaw na Lea!

Midaug si Lea Salonga isip  Best Featured Actress in a Musical Award sa nahitabong Theater Fans' Choice Award dili pa lang dugay.. Gipasidunggan si Lea sa hugyaw niya nga pagdala sa karakter ni Erzulie, kinsa goddess of love sa musical nga Once On This Island. Gipagawas ang resulta sa BroadwayWorld's official website.

Naka- P80m na

Gipahibalo sa movie outfit nga Viva Films nga niabot na og P80 million ang kita sa pelikulang  Sid and Aya nga gibidahan nilang Anne Curtis ug Dingdong Dantes. Mao kini ang figure sulod sa pito ka adlaw sukad kini gipasalida sa mga sinehan. Nagpasalamat ang aktres nga si Anne ngadto sa tanang nisuporta sa ilang pelikula nga ubos sa direksyon ni Irene Villamor.

"A spark in Samar'

Nagpanikad na sila si Empress Schuck, Kristel Fulgar ug Andrea Brillantes sa pagbida sa upcoming tourism film nga  ‘A Spark in Samar’ nga ubos sa direksyon sa  I Found My Heart in Santa Fe director Bona Fajardo.  "Excited ako at saka siyempre makakapag-bonding kaming lahat,” sigon pa ni Empress.

Dili sayon

Miangkon ang aktres nga si Patricia Javier nga dili matud pa sayon ilang naagian sa iyang pamilya sa dihang bag-o pa sila nipuyo og balik dinhi sa Pilipinas gikan sa Amerika. "Nung first year namin dito, struggling talaga yon for us. Kasi, unang-una, hindi namin alam kung saan titira," asoy pa niini.

Na-inspire ni Darren

Gipaambit ni Jayda Avanzado nga giisip niyang inspirasyon sa kinabuhi si Darren Espanto tungod sa kamaayo niini nga performer.  “He does inspire me because he’s really talented and he’s someone that I think that you know sky is the limit for him," paambit pa ni Jayda.

Istrikto si bf?

Nag-trending sa social media ang usa ka video diin wala sugti ni Marlon Stockinger ang uyab nga si Pia Wurtzbach nga motan-aw sa upcoming Manila show sa Super Junior. Usa ka avid fan si Pia sa maong grupo busa tataw sa maong video ang pagkasagmuyo niini. Daghan ang nagtuo nga followers sa duha nga gikomedyahan ra ni Marlon si Pia sa maong video.

Shode kumpara

Nagpungasi  ang proyekto karon sa Kapamilya hunk actor Piolo Pascual ug dili malikayan nga makompara kini ngadto sa kadungan niyang artista nga si John Lloyd Cruz kinsa  nipahuway sa showbiz. Apan giklaro ni Piolo nga dili matud pa angayan ikumpara silang duha ni John Lloyd. "Lloydie will always be Lloydie. Nobody can replace him,"pasabot pa sa aktor.