Squad Goals miarangkada na!

CEBU, Philippines – Kapin sa tulo ka  dekada human gipalugwa sa  Viva Films ang “Bagets” niadtong  1984 nga ni-click og maayo.

Ang mga tema sama sa pagka- adventurous sa  kabataan, ang kagustuhan nga magpabiling  mobarog sa kaugalingon ug malakip  sa society  gisulod sa usa ka pelikula.

Busa  gidalit sa Viva Films ang  pelikulang “Squad Goals” nga ginama sa  multi-awarded filmmaker nga si Mark Meily.

Gisugdan na kagahapon ang pagpasalida   sa Squad Goals sa mga sinehan  ug ang maong pelikula gibidahan nila ni Julian Trono, Vitto Marquez, Andrew Muhlach, Dan Huschka, ug Jack Reid.

Nagtangag sila sa karakter isip  college students nga  puwerting lingawa sa ilang barkada.

Prince of the Dance Floor nga si Julian midala isip  Benj, Engineering student nga dunay  alyas nga “Young D” . Gihilom lang niya ang iyang  YouTube dance videos gumikan kay supak ang iyang amahan niini.  Gikuha niya ang  Engineering aron makatabang sa ilang negosyo.   Si Vitto midala isip  Tom, HRM student ,  varsity team captain ug three-time MVP.  Todo seryoso kaayo siya sa iyang uyab  nga  “It Girl” sa eskwelahan.  Usa ka  retired basketball player  ang amahan ni Tom  ug  artista ang iyang inahan.

Ang Filipino-German Dan midala isip  Hans, usa ka maulawom nga  music genius nga nagpabaya sa iyang pag-eskwela gumikan sa iyang mga raket. .

Bisan unsang adlawa, mahimo siyang dalhon sa iyang inahan  sa Germany aron mahimamat ang iyang amahan.  Mipugong sa iyang paglarga ang iyang barkada.

Si Andrew midala isip  Nat, ang class clown ug  best friend ni Tom.  Usa ka  driver ang iyang amahan, samtang ang  iyang inahan  nisalmot sa  networking business.

Kung paspas siya sa pagmugna og komedya, ingon ana usab kahinay  ang iyang moves kung duna siya’y magustohan nga  babaye.  Sa tinuod nga kinabuhi, igsuon si Andrew sa  original “Bagets” superstar nga si Aga Muhlach.

Dili usab magpaulahi si Jack nga midala isip  Pads, usa ka Mass Comm student nga nagtrabaho isip  part-time bartender, busa kanunay kini magduka sa klase.  Gipanganak ug nagdako sa  Australia busa  maglisod kini sa  Tagalog.

Duna pu’y espesyal nga partisipasyon sa Squad Goals  sila si  Ella Cruz, Carlyn Ocampo, Aubrey Caraan, Sam Capulong ug Victoria Pilapil.