Nora kokontratahin na ng kapuso

Zsa Zsa aminadong mahilig sa s!  Loren uupo na sa DSWD

SEEN: Ngayon ang contract signing ni Nora Aunor sa GMA 7. Ang Extraordinary Love na ipapalit sa Kambal, Karibal ang bagong project ni Nora.

SCENE: Nakararami ang bilang ng mga Pilipino na naniniwala na sinibak at hindi nag-resign si Wanda Teo bilang secretary ng Department of Tourism. Hindi lamang ang P60 million worth ads sa programa sa PTV4 ng kanyang mga kapatid ang isyu na kinasasangkutan ni Teo.

SEEN: Si Isko Moreno ang hinirang ni President Rodrigo Duterte bilang bagong undersecretary ng Department of Social Welfare and Development. Nawala sa sirkulasyon si Isko nang kumandidato at matalo ito na senador sa halalan noong 2016.

SCENE: Balitang-balita na babalik si Isko Moreno bilang public servant dahil kakandidato siya na alkalde ng Maynila sa eleksyon sa 2019. Si Manila City Mayor Joseph Estrada ang makakalaban ni Isko kung sakali na ituloy nito ang plano na pagtakbo.

SEEN: Hinihintay ang appointment ni Senator Loren Legarda bilang secretary ng Department of Social Welfare and Development. Hindi itinatanggi pero hindi rin inaamin ni Legarda kung tatanggapin niya ang posisyon na nais na ibigay sa kanya ni President Rodrigo Duterte.

SCENE: Bakasyon grande sa El Nido, Palawan ang retired American boxer na si Floyd Mayweather, Jr. na komportableng-komportable sa mala-paraiso na isla sa Pilipinas. Kasama ni Mayweather Jr. sa Palawan vacation ang kanyang The Money Team.

SEEN: Hindi pa rin nagbabago si Rufa Mae Quinto dahil “todo na ’to” pa rin ang kanyang favorite boring expression. Nabubuhay si Rufa Mae sa nakaraan at apektado nito ang showbiz career niya.

SCENE: Anytime ang sagot ni Zsa Zsa Padilla sa “best time for sex” na tanong ni Boy Abunda sa guesting niya sa Fast Talk segment ng Tonight with Boy Abunda noong Martes. Sina Regine Velasquez at Sarah Geronimo naman ang mga best singer in the Philippines para kay Zsa Zsa.