Steve Harvey nahugyaw sa TNT Boys

CEBU, Philippines — Human  nahugyaw kanila ang taga  United Kingdom,   gipalanog  na usab  sa mga Pinoy nga batang singers nga sila si Francis Concepcion, Mackie Empuerto ug  Kiefer Sanchez  ang makalimbawot og balhibo  nila  nga tingog didto sa Amerika.

Gipa-guest ang tulo sa US edition sa “Little Big Shots”  ni Steve Harvey  ug gikanta nila ang Listen ni Beyonce.

Samtang nagkanta ang tulo, tataw kaayo sa nawong ni Steve nga nalingaw og maayo sa tingog sa mga bata.

Todo pakpak ang audience sa ilang performance ilabi na sa parte nga nag-blending ang ilang tingog.

Produkto ang tulo sa Tawag Ng Tanghalan Kids Edition   hinungdan gitawag sila karon TNT Boys.