Makalingaw ang Olango
Maayong Domingo mga pinalangga nakong mga BisChikadora! Usa na usab ka Domingo ang atong saw-an. Siyempre sa dili pa ang tanan, mapasalamaton kaayo ang inyong Mother Butanding nga nakapaambit na usab kita sa atong talento kauban ang mga taga MPA Staff, OIWS Staff, SVK , OIETA ug ang Vendors Association ( SVFAI ) sa Barangay San Vicente, Olango Island, Lapu-Lapu City alang sa Systematic Training for Effective Customer Service. Pero sa wala pa ang maong training, nilaag ko for the first time sa ilang San Vicente Marine Sanctuary ug ang inyong Yur’s truly mismo makaingon nga okay kaayo ang maong lugar ug pasok sa budget.
Para mabisita ang maong maanindot nga paraiso, siyempre mulabang ka sa isla, aduna kay duha ka options pwede ka didto manukad sa Angasil Port o sa port nga kilid sa Movenpick Hotel and Resorts. P15 lang ang plete sa bangka unya dunay terminal fee nga P2, unya mga beinte minutos nga biyahe maabot na nimo ang maong isla. Ang plete sa tricycle P20 ang matag usa ka tawo o pwede nimo pakyawon ang usa ka biyahe nga P120. Asa ka ana? Pag-abot nimo sa Barangay San Vicente Marine Sanctuary, pwede na dayon ka mopili sa imong activities sama sa sightseeing for P25; gusto ka maligo P75. Bayad ka og P200 para sa ilang environmental fee nga good for 10 person unya aduna naka’y table and chairs kun aduna mo’y dala nga pagkaon didto sa ilang recreational area.
Sa mga gusto makakita sa akong gihimo nga Video Blog https://www.facebook.com/yorie.storm/videos/10155665107687675/ . Tungod kay uso man karun ang hangtud asa maabot ang imong amount of money, mao ni ang perfect challenge para nimo. Mao nga mobalik gyud ko sa maong isla kauban na ang team sa Banatanay Live na Live! Summer Special episode mao nga ayaw gyud kini ninyo kalimti! Alegre gyud kini nga episode.
Hangtud sa sunod natong panagkita mga higala! Be part of the history kay sa unang higayon karung May 28 and 29 sa ilang kapistahan mahitabo ang first street dancing para sa Baliw-baliw festival! Dili maguol kay kining tanan ihatod kaninyo sa inyong Mother Butanding!!!
- Latest
