“Milagro” ni young actor

Alohhhaaaaa mga KaBisChikadora! Well, init na gyud kaayo ang panahon unya asa man gyud ang atong mga rampa ani? Best in swimwear ba ang atong mugna? Ang importante mag-enjoy ka this summer. Pero kaming Team Hugyaw puros drawing pa ang among escapade pero hopefully madayon na!

Kon init ang panahon, init  usab kaayo ang nasagap sa atong Kinsa Siya Insider mahitungod sa young actor nga kun mawagtang ang iyang kuyog abtikay kini kuno maghimo og milagro? Ha? Unsa nga milagro ba oi? Ang BisChika mao kini: Aduna’y show ang maong young actor diri sa Sugbo. Nag-stay sila sa usa sa mga 5-star hotels. Tuod man, nag-prepare ang young actor, gikuha sa ilang service van. Pag-abot sa venue ni perform si young actor, nagkagubot ang mga nisaksi kay kining young actor daghan man kaayo og fans. Pagkahuman sa performance, nibiya sa venue.  Gidala sa lamian nga restaurant ug best in lafang na dayun! Pagkahuman kay back to the hotel ang young actor, kauban ang iyang grupo.  Dinhi na sila nahitabo ang milagro. Nag-iyahay og panglakaw ang  mga kauban ni  young actor. Nagpabilin si young actor sa hotel. Nahibulong si Kinsa Siya Insider nganong wala nikuyog ang young actor sa iyang papa o handler. Violllllaaaaaa! Adunay naabot nga ebay botchok (babaye) sa hotel ug ni derecho dayon sa hotel room sa young actor. Hmmmmmmm…Kinsa kining babaye nga naabot sa hotel? Wala nakaila ang atong Kinsa Siya Insider apan ang iyang nasulti mura kuno og fan sa young actor? Gwapa, hamis ug kutis unya sexy pa gyud! Pak na pak sa unipak! Nisulod sa kwarto ug mga pila ka oras nag-unsa man sila sa kwarto? Hala ha? Pagka-abtik sa young actor kay paglakaw sa bisita nga babaye  mao usab ang pag-abot sa iyang mga kauban. Hahahahahhaha! Kinsa Siya kining young actor? Makit-an nimo karun sa usa ka salida, gwapo, humot ug dunay barog! Produkto sa usa ka reality show!

Sa laing bahin, bisan pa man wala ko nakaapil sa birthday  for a cause sa akong partner John Toring apan my spirit, body and heart kay anaa sa ilang gihimong feeding (Ang inyong Mother Butanding didto man sa kapistahan sa The Divine Mercy Shrine sa Misamis Oriental)  kauban ang iyang mga family and friends usa ka birthday feeding ang nahitabo. Ang mga nasunogan sa Lapu-Lapu City mao ang nihimong beneficiary sa maong birthday for a cause.Malampuson ug malipayon kaayo ang mga bata ug ilang mga  pamilya kay usa ka simple nga salo-salo ang nahitabo ug pagkahuman aduna pa kini mga games nga sobrang nalingaw ang mga bata. Pag-uli nila sa ilang mga pamilya dakong mga pahiyom ang ilang bitbit nga hinabang. Kudos to you my partner John Toring ug mga kaubanan. You make the birthday celebration very memorable!