Non-showbiz ang uyab

CEBU, Philippines — Gipahibalo sa Wildflower star nga si  Maja Salvador nga aduna na siya'y uyab karon ug usa kini ka non-showbiz guy ug higala niya kini sulod sa 15 na katuig. Bisan pa man sa ka-busy sa iyang schedule,  wala gyud niya pasagdi ang iyang  love life. ‘Iba ‘yung foundation, ‘yung friendship, buong-buo,"sigon pa sa aktres

Lisod kalimtan

Gibutyag sa singer nga si Erik Santos nga napasaylo na niya ang radio host/ reporter nga si Jobert Sucaldito sa gibuhat niini ngadto kaniya apan lisod matod pa kalimtan ang maong insidente. Nag-atubang karon sa kasong 37 counts of cyber libel si Jobert tungod sa pagpanaot niini  ngadto kang Erik ug sa manager niini nga si Erickson Raymundo.

Mahadlok pa

Nahilak na matod pa ni Angelica Panganiban ang tanan niyang kasakit sa mga napakyas nga love life niini. Miangkon usab siya nga dili pa siya andam nga  mosulod og balik sa usa ka relasyon sanglit daghan pa siya og kahadlok ug pagpanagana."Masasabi kong hindi pa ako ready kasi. Takot pa ako ngayon kaya gusto ko kapag nagmahal ako ay kaya ko na ulit," sigon pa sa aktres.

Memorable Christmas

Giisip sa concert king Martin Nievera nga usa ka unforgettable memories ang pagsaulog sa iyahang pasko gumikan kay nagka-bonding ang iyahang anak nga si Santino ug ex wife nga si Pops Fernandez ug mga anak nga silang Robin ug Ram. Si Santino maoy anak ni Martin ngadto sa former girlfriend  niini nga si Katrina Ojeda.

Wala’y pagmahay

Napuno og pagsaway ang Pilipinas Got Talent Season 6 judge nga si Robin Padilla human giingong nipakauwaw sa usa ka Koreano nga contestant nga dili makaistorya og  Tagalog. Apan sigon pa ni Robin, wala siya  nagmahay sa iyang gibuhat ngadto sa Koreano nga si Kim Jiwan kinsa gipugos niya pagpagamit og Tagalog sa pakig-istorya ngadto kaniya.

Buwag na?

Nakakuha  og interes sa netizens ang GirlTrends member nga si Erin Ocampo human kini nag-post sa Instagram mahitungod sa "worth" sa usa ka tawo ug pag-delete sa mga hulagway niini kauban ang uyab nga si Axel Torres. Daghan ang nagtuo nga nagbuwag na ang duha. Kahinumduman nga gipahibalo ni Alex sa miaging tuig   nga 19 months na silang uyab ni Erin.

Hugyaw nga van!

Gipakita ni Vice Ganda ang iyang van nga murag first-class plane cabin. Aduna kini customized nga floor mats. L.E.D. TV, folding sun shades nga bintana ug mini-bar. Wala’y duda nga maka-afford gyud ang komedyante sa ingon niini  kamahal nga van hilabi na nga top grosser ang iyahang pelikula sa Metro Manila Film Festival nga The Revengers Squad.

Adunay pagtulon-an

Mahitungod sa mental health issue ang bag-ong stage play nga pagabidahan ni Eugene Domingo nga nag-ulohan og  'Night.l, Mother.' Nanghinaot ang komedyante nga makahatag og pagtulon-an sa mga manan-away ang ilahang play nga naghisgot usab og depression .

Sunod nga kaslunon?

Daghan ang nalingaw nga fans ug mga higala ni Megan Young sa dihang nakita nila ang aktres sa usa ka video nga naningkamot gyud pagsalo sa bridal bouquet nga giitsa ni Maxene Magalona atol sa kasal niini ug sa iyang bana nga si  Robby Mananquil didto sa Boracay sa miaging semana. Samtang ang uyab niini nga si Mikael Daez maoy nakakuha sa garter atol sa seremonyas. Tungod niini nanggawas ang tsika nga sila na ang mosunod nga magpakasal puhon.

Friends ra gyud

Gamit ang iyang  Twitter account, giklaro sa aktres nga si Sofia Andres nga wala gyud sila'y relasyon sa onscreen partner  niini nga si Diego Loyzaga ug managhigala ra gyud silang duha. Natsismis ang  duha sa dihang nag-uban sila sa seryeng Pusong Ligaw sa ABS-CBN .