Carrot-Apple Side Dish

CEBU, Philippines - Magpalahi na pud ta karong adlawa, atong tilawan ang side dish nga dili kaayo common sa lamesa.

Suwayan nato paghimo ang carrot-apple side dish, ug dili ka angayan maguol gumikan kay sayon ra kaayo ang pagama niini.

Nakutlo nato ang recipe niini sa www.tasteofhome.com. Puwes tara na,  tikang na ta sa kusina.

Mga sagol:

1-1/2 tasa nga  hiniwa nga carrots (dice)

2 tasa nga tubig

1 kutsara nga  butter

1/4 tasa nga  brown sugar

1 kutsara nga lemon juice

1/8 kutsarita nga  ground cinnamon

1 tasa nga hiniwa nga apple (pinanitan) 

1 kutsara nga  cornstarch

2 kutsara nga  tubig bugnaw

Pamaagi:

Sa saucepan, lutoa ang carrots sa tubig (lapwa) ug kuhai dayon sa tubig.

Idugang ang butter, brown sugar, lemon juice ug  cinnamon. Taronga og mix. 

Ibutang dayon ang hiniwa nga apple. Ukaya sulod sa 10 minutos. 

Idugang ang cornstarch ug cold water.

Pabukala, ukayon sulod sa 1 minuto.

Kuhaan dayon sa tubig, ug mahimo na kini nga i-serve.