Patrick ayaw balikan si Ara?!

Personal na inamin sa amin ni Mayor Patrick Meneses na sa Brunei nga sila nagpalipas ng Holy Week (Holy Thursday hanggang Easter Sunday) ni Ara Mina kasama ang kanilang anak na si Amanda. Wala naman daw silang problema ni Ara pagdating sa kanilang anak. Nagkakasama rin daw sila sa iba’t ibang okasyon pero idinenay niya na nagkabalikan silang muli ng singer-actress.

“Hazel (real name ni Ara) and I are really good friends kahit wala na kami. Basta pagdating kay Amanda, we are one. Mahirap siguro i-explain pero okey kami,” paliwanag ng batang alkalde.

Hindi ba masasaktan si Mayor Patrick kapag na-link sa ibang guy si Ara at siya sa ibang babae?

“Hindi naman,” kaswal niyang tugon.

“Kahit naman magkaroon kami ng ibang partner balang araw, hindi puwedeng mabura na kami ni Hazel ang mga magulang ni Amanda,” susog pa ni Mayor Patrick.

Aware si Mayor Patrick na marami pa rin ang umaasa na sila’y muling magkakabalikan bagay na kanyang nginingitian lamang.

“Hindi naman natin alam ang puwedeng mangyari,” aniya.

Sunshine at Cesar atat makakawala sa isa’t isa

Mas malabo pa sa ilog Pasig na muling magkabalikan ang estranged couple na sina Cesar Montano at Sunshine Cruz lalupa’t apat na taon na rin silang hiwalay since 2013. 

Pareho nang nakapag-move on ang dating mag-asawa sa kanilang respective lives pero ang kanilang permanenteng bond ay ang kanilang tatlong teenage daughters na sina Angel Francheska, Samantha Angeline, at Angeline Isabelle.

Bukas ang relasyon ni Sunshine sa kanyang bagong nobyo, ang hiwalay din sa asawang si Macky Mathay.

Nakapag-file na si Sunshine ng petition na mapawalang-bisa ang kasal nila ng dating mister na si Cesar at hinihintay lamang ng dating mag-asawa ang approval ng korte.

Pero habang naghihintay sila ng resulta ay tuloy naman ang pasaring ni Sunshine sa kanyang social media account.

Jodi makakasama sina Robin at Richard

It was a working vacation nang magtungo si Jodi Sta. Maria sa Canada at Amerika na may kinalaman sa 25^th Anniversary ng Star Magic kung saan din niya nakasama ang iba pang stars ng Star Magic tulad nina Piolo Pascual, Coco Martin, Liza Soberano, Enrique Gil, Kim Chiu, Xian Lim, Sam Milby, Arci Muñoz, Darren Espanto, Eric Nicolas at iba pa.

Ngayong nakabalik na ng Pilipinas ang tropa, balik din sila sa kanilang respective projects na pinagkakaabalahan.

Jodi is soon to star in a new teleserye kung saan niya nakatakdang makasama sina Robin Padilla at Richard Yap. May bagong movie ring pinagkakaabalahan ngayon ang ex-wife ni Pampi Lacson at ina ni Thirdy.