Mga putahe nga haom sa Kwaresma

CEBU, Philippines - Batasan na gyud natong mga Katoliko nga kun panahon na sa Kwaresma, kanunay gyud nato buhaton ang pagpinetensiya. Usa na gyud niini ang paglikay sa pagkaon nga karne ilabi na baboy . Matud pa sa Kura Pakuro sa Our Lady of Lourdes Parish nga si Father Randy Figuracion nga ang bugtong rason kun nganong mao kini ang naandan sa tanan aron sa pagdisiplina sa kaugalingon ug aron mahisama kitang tanan ngadto ni Kristo.

“Sa Lenten Season, 40 ka adlaw ang preparasyon alang sa  Easter or Resurrection of Jesus nga maoy mahimong mo-culminate sa Semana Santa. These are days when we imitate Jesus ug moduyog ta niya sa iyang kasakit ug kamatayon. So, in solidarity with Jesus, these are days of Fasting and  Abstinence. Fasting especially sa Ash Wednesday ug Good Friday. Abstinence mao dili pagkaon og karne.Pero sa Biyernes lang sa Lent. Another purpose ani kay self-denial sab aside sa self-discipline ug for us to have time to reflect and focus on spiritual health”, pagpadayag ni Father Randy.

Dugang pa nga dili lang sa pagkaon ang angayan nga ipuasa. Gani, angayan nga likayan o minusan na ang mga bisyo, pagpanglimbong, pagpanaot sa ubang tawo, o tanang mga dautan nga buhat.

Mao nga karong balaang panahon, magkahiusa kita ngadto sa Diyos sa pagsakripisyo o magpugong sa mga buhat nga naandan gumikan kay mao usab kini ang panahon aron kita mamalandong ug mangayo og pasaylo ngadto sa Diyos.

Apan dili usab buot pasabot nga karong Semana Santa, kinahanglan nga dili na usab mokaon isip pagpuasa gumikan kay ang www.panlasangpinoy.com, adunay gisugyot nga mga lamiang putahe nga mohaum niining maong panahon.

Mao kini ang mga pipila ka putahe nga angayan nga andamon karong Semana Santa:

·               Ginataang Tilapia

·               Ginisa nga Paliya

·               Sinigang ng Hipon

·               Atchara nga Papaya

·               Fresh Lumpia

·               Utan Bisaya

·               Ginisa nga Kalabasa

·               Tortang Talong

·               Sardinas nga adunay Misua

·               Pinakbit

·               Kangkong nga dunay Oyster Sauce

·               Chop Suey

·               Inihaw nga Tilapia

·               Inun-unan

·               Monggos de Kamunggay

Simple lang ang mga sagul niini ug dali lang kini mapalit sa merkado. Hinaot nga makakaplag kamo og kalinaw sa inyong hunahuna ug kasingkasing.