Marlo si Morisette ang ipinalit kay Janella

Hindi mapigilang mapahagikgik ng Birit Queen na si Morisette Amon nang ibisto ni Jona sa isang interview nilang dalawa sa Tonight With Boy Abunda na tinitext ito ni Marlo Mortel na dating ka-loveteam ni Janella Salvador.

Puwedeng ordinaryong komunikasyon lang ang pagti-text nila among friends, pero nang sabihin ni Jona na may sakit si Marlo nang mag-text at nagtatanong kay Morisette kung ano ang gagawin ay biglang nagkakulay ang sinasabing pagkakaibigan lang ng dalawa.

Walang masama kung tutuusin, pareho namang single ang dalawa at walang apektado sa pagiging malapit nila sa isa’t isa.

Sharon hindi na naman makapagpigil sa pagkain 

Hindi mabilis ang ginagawang pagpapapayat ni Megastar Sharon Cuneta. Mahigit isang taon na siyang nagdidyeta pero 65 lbs. pa lamang ang natatanggal niya. Mataba pa rin siyang tingnan sa screen. Ang kaso, may mga pagkakataon na hindi niya mapigilan ang kumain lalo’t sawang-sawa na siya sa diet niya. Ito ng nagpapabagal ng kanyang pagpayat na hindi naman niya minamadali.

Dingdong hinahanapan ng aksyon

Napakaikli naman ng itinakbo ng Case Solved ni Dingdong Dantes. Dahil ba mas gusto ng manonood na umaarte siya kaysa naghu-host lamang, lalo’t isang seryosong programa at hindi ito showbiz?

Marami ang nabitin sa pagtatapos ng Alyas Robin Hood at ang pagbabaon niya ng kanyang pana para sa isang matahimik na buhay bilang isang abogado. Ayaw pumayag ng manonood na hanggang dun na lamang ang kahihinatnan ng bagong bayani na magaling sa bow and arrow.

Bagay pa naman sa katawan ni Dingdong ang maging isang action hero. Bakit kaya sa halip na isang romcom ay isang action romance ang muling sabakan niya? Bayaang magselos na lang muli si Marian Rivera, kung sa ganitong genre naman papatok si Dingdong.

Direktor ng Darna payag na kay Liza

Malamang nga na kay Liza Soberano mapunta ang role ng bagong Darna. Ito ay sa kabila ng isang survey na ginawa kung saan lumabas bilang paborito ng tao na mag-Darna si Nadine Lustre.

Payag na kay Liza maski na ang direktor Darna na si Erik Matti. ‘Yung mga unang na-consider ay hindi nito nagustuhan kaya nga ipinagpipilitan pa nito si Angel Locsin. Pero ngayong hindi na puwede si Angel, payag na siya kay Liza.

Wala ring tutol ang anak ng creator ng Darna kay Liza bagaman at inamin niyang si Marian Rivera ang pinakamagandang naging Darna.

Maymay kulang sa katuturan ang mga pinagsasasabi

Ang ganda ni Maymay Entrata sa cover ng isang magasin. Hindi mo aakalain na may itinatago pala siyang ganda, at bagay ipareha sa isang mestisong tulad ni Edward Barber, na alam mong sumasabay lang sa kagustuhan ng network na magawa silang isang loveteam.

Kailangan na lamang ay isailalim si Maymay sa isang personality development course para mas mapaunlad pa ang kanyang personalidad. At para magkaroon ng sense ang pinagsasasabi niya kapag nagsasalita sa harap ng publiko.