Naminghoy ang singer!

Mao na ni siya all over the World mga KaBisChika! Ang init kay manggunit sa imong panit mao nga ikaw KaBisChika pagbitbit og mga hinagiban sama sa payong, kalo ug uban para sa init! Kay ang ting-init dili na gyud mapugngan! Atangi unya usab ang akong paglaroy-laroy karung ting-init...hahahahaha!

Hugyaw kaayo ang atong KINSA SIYA-- sama sa kainit sa panahon karun. Usa ka aspiring singer sa Visayas region, naHugyaw to the max! Nganong dili mahugyaw nga bata pa lang si inspiring singer nangandoy  nga makaapil og singing contest sa telebisyon. Gani, halos adlaw-adlaw kun naay singing contest sa mga barangay o mobiyahe pa sa laing lungsod iya gyud kining apilan kuyog ang iyang pamilya para musuporta kaniya. Tuod man, nahasa og maayo ang iyang tingog ug na develop ang iyang self-confidence. Dako na ang kalipay sa aspiring singer kun makaapil sa singing contest. Dili usab mabintahaan ang inspiring singer daghan na siyang  tropeo o pasidungog ang iyang gihatag sa iyang pamilya ug barangay.

Naabot ang panahon nga andam na si aspiring singer mo-audition sa singing contest sa usa ka network. Dili lang talento ug confidence ang iyang bitbit atong panahona. Pasok pa gyud ang iyang edad. Ug kay gihatag ni aspiring singer ang iyang best nadawat siya. Na hugyaw na lang siya sa dihang gitawagan siya og  kalit para ipahibalo nga dili na siya makaapil sa singing contest. Kay ngano? Kay giusab na ang age bracket. Nasayang ang tanang kahago sa inspiring singer kay best in VTR na ang iyang beauty. Korek! Giadto na siya sa staff sa ilang probinsiya ug nag-shooting.

Si aspiring singer naminghoy sa iyang nahibaw-an. Best in preparation na siya and all. Di ba? Kalooy sa bata igo na lang kini nihilak ug ni lenggua nga adunay rason ang tanan.

Asa nga TV station ug pakontest? Check kanang naa sa inyong hunahuna kay karun kids edition na sila!

Concert for a cause!

SAKDAP, ang  nag-inusarang all male vocal quartet sa Cebu mopahigayon og fundraising show alang sa usa sa ilang kauban karong umaabot Domingo, Abril 2, 2017 sa alas 7:30 sa gabii nga ipahigayon sa Capitol Social Hall.

Ang maong kalihukan alang kang Irving Guazon kinsa magpatambal aron maayo sa cancer nga posibleng makaapekto sa iyang tingog hinungdan nga gidali kining maong pasundayag.

Giimbitar ang tanan sa pagsuporta sama sa inyong nabuhat sulod sa 27 ka tuig.

Ang gabii sa maong pasundayag misaad og puno sa selebrasyon sa kinabuhi, musika ug panaghigala.

Palihug sa pagpareserba sa inyong lingkuranan sa kantidad nga P500 ug mahimo kamong mo-text sa 09231601900.