Bob Miranda “The Hesitant Crooner”

CEBU, Philippines - Buot nga ipabuhagay sa 20 anyos nga si Bob Miranda nga tanang tawo dinhi sa kalibutan adunay tagsa-tagsa nga espesyal ug talagsaon nga mga talento. Matud pa niya nga kitang tanan aduna gyuy usa o duha nga molabaw nga katakus nga mahimong ikapasigarbo sa uban.

Paghulagway niya sa iyang kagahapon nga usa siya ka kandidato sa mga makadawat og mga pagtamay ug bugal-bugal gikan sa ubang tawo. Apan gidawat niya ang tanang mga negatibong istorya batok kaniya ug wala siya nagpaapekto niini. Moduol usab siya sa iyang higala aron malingaw niya ang iyang kaugalingon ug dili makahuna-huna og mga problema.

Sa paglabay sa panahon, iyang gilingaw ang iyang kaugalingon ngadto sa nagkadaiyang mga aktibidadis ug mga kompetisyon aron mahagit siya. Matud niya nga dako kini og gikatabang kaniya gumikan kay nakaangkon siya og kompiyansa ug inanay niya nga nakaplagan ang ubang tinagoang talento.

Gihinumduman usab ni Bob nga ang pagkanta ang unang talento nga iyang napakita ngadto sa uban. Matudpa niya nga nagsugod siya og kanta sa edad nga 7 anyos. Walay nagtudlo kaniya apan naliwat siya sa iyang inahan gumikan kay hilig sab kini mokanta.

Dugang pa niya wala siya’y plano nga mosalmot og mga singing contest tungod kay dili siya gusto nga mauwawan sanglit wala siya’y panahon sa pagbansay-bansay.

“Pinakauna nga contest nako kay angCESAFIVocal Solo niadtong 2012. Dili gyud unta ko ganahan apan wala koy mabuhat kay para man sa school. Grabe sab to akong kulba unya kay dili ko makasabot sa akong gibati kay puno ko sa kakulba ug mura na ko og makuyapan,”hinumdom pa niya.

Gani, dili usab siya makatuo gumikan kay nabuhat niya ang mga  butang nga wala niya damha. Malipayon usab siya gumikan kay daghan ang nisuporta kaniya ug nahatagan niya og hustisya ang kanta nga iyang giawit atubangan sa mga tawo.

Sa pag-apil niya sa Sinulog Idol Season 8, nakahatag kini og dakong kahigayunan aron makapamatuod sa ubang tawo ug sa iyang kaugalingon nga mabuhat niya ang mga mabuhat usab sa uban. Gusto niya nga ipakita sa mgatawo nga aduna siya’y kapuslanan nga makahatag og inspirasyon ngadto sa uban.

Hugtanon usab niya nga gituohan nga kun kinsa kadto ang kanunay nga gidaug-daug sa una, mao gyud kadto ang magmaya puhon. Pagpasabot niya nga ang kinabuhi sa tawo muragyud og usa ka ligid tungod kay magtuyok-tuyok ra gyud kini. Kun i-ampo lang ang tanang mga pagsuway, maresolba ra gyud kini kun ubanan kini sa pagpaningkamot.

QandA

BNH: Kinsa si Bob sa tinuod nga kinabuhi?

BOB: Si Bob kay hilumon. Dili ko tabian pero grabe kaayo ko mudumot ug  magpasalamat. Buotan ko sa mga tawo nga buotan nako. Manggiuwawon gyud ko. Si Bob kay mahigugmaon sa uban pero di lang ko mopakita kaayo. Isog pud ko nga klase nga pagkatawo. Nakaya nako ang mga lisod nga times sa akong kinabuhi ug maayo unta nga makaya pa nako ang uban.

BNH: Unsa ang dili  nimo malimtan sa imong unang pagkat-on sa pagkanta?

BOB:Kadtong makaabot pa ko og kanta nga taas kaayo.  Karon kay di na kay niubos na akong tingog.

BNH: Unsa imong masulti sa mga artist/singers sa karon nga henerasyon?

BOB: Lahi lahi gyud kaayo ang genre nga ilang kantahon. Mo-excel pud sila differently. Usahay kay ma -over lang pero ganahan gihapon ko og kanang mga birit.

BNH: Unsa ang imong mga damgo sa kinabuhi?

BOB: Dream gyud nako mahimong singer. Kanang makita gyud ko sa TV. Unta mahitabo na gyud siya puhon.

BNH:Unsa ang imong nakat-onan sa pag-apil nimo og mga singing contest?

BOB: Di tanan nindot, mudaog. Kun unsay imo, mao ra gyud na. Accept na lang.

BNH: Kinsa ang singer nga gusto nimo maka-duet puhon?

BOB:Si Erik Santos gyud. Gusto ko magpinatas-anay mi og tingog. HAHAHA

BNH: Unsa ang imong plano sa kinabuhi?

BOB:Mo-audition ko og big contests kanang sa TV na gyud. Try lang gud wala bitaw mawala nako. Ug gusto gyud  nako nga mahuman ko sa akong pag- eskwela.

BNH:  Unsa ang imong feeling sa dihang naapil ka as finalist sa Sinulog Idol?

BOB:Happy ko syempre. Pero worried at the same time kay kahibaw ko ma-effected akong studies. Pero nakaya ra man pud nako.

BNH: Unsa ang imong role karon nga nahuman na ang Sinulog Idol?

BOB: Balik na sad sa akong pagka- estudyante. Muhuman pa ko og eskwela gyud. Pero og daghan ang opportunities nga muabot, why not? Siguro, ganahan pud ko maka-influence sa uban nga katong mga walay self-confidence. Gusto nako nga mahimo ko og example sa ila.

BNH: Unsa ang imong mensahe sa tanang graduating students?

BOB: Congratulations! Never stop nga maningkamot kay kinahanglan na pud nga mangita og trabaho. Basta go lang ng go!

Photos by: Britz &Christine Briones

HMUP: Jingjing Manching House of Beauty