Cebu Pop Friday;“The sweetest song comes from the saddest story”

NAME    Ralph Maligro

N-NAME                Rappyboi

AGE                        25

DATE OF BIRTH  January 9, 1992

PLACE OF BIRTH                Potohan, Tubigon, Bohol

FAVORITE SINGER             Michael Bolton and James Ingram

Favorite Song                The Last Time by Eric Benet

"Singer or interpreter gives life and color to a song while the composer is the brain and the heart of it."

Mao kini ang gipabuhagay sa 25-anyos nga si Ralph Maligro kinsa sa linghud pa lamang nga pangidaron niini nakat-on na sa pagtagik og kanta.

Sa pagmugna og usa ka awit, dili ikalimod nga dungan sa pagka sikat sa usa ka kanta mopatigbabaw sab sa kadaghanan ang moawit niini ug dili ang mga composer.

Butang kini nga wala panumbalinga sa kadaghanang mga kompositor ug lakip na niini si Ralph.

Gani alang kaniya kinahanglan nga ang duruha makabatun og dakong paghigugma sa musika. Bukas ang salabutan ug makahibawong mopaubos.

Kinahanglan sab nga dunay "rapport" ang duha ka habig aron dili sila magpanagana  sa usa'g usa ug bukas sab sila sa mga suggestions ug corrections tali nilang duha.

Ang maong nakat-unan ni Ralph sa maong field maoy nagdala kaniya sa daghan nang kadaugan sa  nagkadaiyang kompetisyon  nga iyang nasalmotan.

Gani sa Cebu Pop Music Festival, siya maoy migawas nga grand prize winner sa tuig 2016 alang sa  gitagik niyang kanta nga "Awit Ning Gugma" nga gi-interpret ni Philip Mancol.

Dako kining dungog alang kaniya ug iya kining gipasigarbo sanglit mao man kini ang labing una niyang pagsalmot sa Cebu Pop Music Festival ug migawas dayun siyang kampiyon niini.

"I love music because it is my passion. It is my life. It fills me in every step of the way. It gives color to my life. It is my outlet through ups and downs of my life," ang tubag ni Ralph sa pangutana kun nganung gihatagan niya og prayoridad ug dakong importansya ang musika.

Matud niya nga sugod niyang nadiskubrehan ang iyang linahi nga talento sa musika niadtong Grade 3 pa lamang siya ug hinay- hinay na siyang nag- compose og mga awit sa dihang mitungtung na siya sa kolehiyo.

Apan mas nabaid ang iyang talento sa pagtagik og mga kanta sa dihang nagsugod na siya sa paghimo og election campaign jingles.

Gipabuhagay usab niya nga wala siya mitungha sa school of music ug self study ra ang iyang gibuhat dungan sa pagbasa- basa sa mga notes. Nakadugang usab sa iyang pagkat-on niini mao ang  mga kaagi sa iyang  kinabuhi.

Apan pipila sa mga hagit nga iyang nasinati isip composer mao ang dali niyang pagkahugno kaniadto sa panahong napildi siya sa mga kompetisyon.

Tuod man, iya kining gihimo nga sumbanan aron mas palig-unon pa ang iyang kaugalingon ug estilo sa pagtagik og mga awit.

Matud niya nga mas makagama siya og daghang mga awit kun depressed siya sanglit alang kaniya, "The sweetest song comes from the saddest story."

Katapusang pagpaambit niya alang sa mga aspiring young composers karon, "To my fellow songwriters, just continue dreaming and believe in yourself. Create your own style in music. Be humble. Do not give up. Dream big and aim high because a thousand mile begins with a single step."

Q and A

BNH: Gawas niining pasidungog nga imong naangkon sa Cebu Pop, unsa pay lain nimo nga nadag -an sa kalibutan sa musika?

RALPH: Aside sa Cebu Pop, I also won B. S. S. F. o kun Bohol Sandugo Song Festival niadtong 2015. Grand prize akong nadag-an sa awit nga " Anaa ang Paglaum" nga gi-interpret ni Alma Mida Golosino.  Niadtong 2016 usab sa mao gihapon nga kompetisyon, nahimo gihapon ko'ng grand prize winner sa awit nga " Ikaw ug Ako" nga gi -interpret nila ni  Angelito Zamora Jr. ug  Mecerdita Quiachon. Apan tuig 2014 maoy first time nako sa pag-apil sa B. S. S. F. didto sa Bohol where I belong to top10 finalists only with the song "Sandugo Pagasaulogon Ta".

BNH: Sa tanan nimong gi-compose nga mga kanta, unsay nagmarka gyud nimo?

RALPH: "Anaa ang Paglaum” kay it talks about Hope. That no matter how difficult life is, there's always hope at the end.

BNH: Kinsa'y imong gihimong inspirasyon niining tanan nimong gibuhat isip composer?

RALPH: God and my Family are my inspiration.

BNH: Sa unsa nga paagi nakatabang nimo'g dako ang Cebu Pop?

RALPH: Cebu pop helped me a lot financially. Ug na-develop akoang self-confidence. It gives me hope and opens a new window of opportunity for me in the music industry bisag wala sa amoang genes ang pagka musikero.

BNH: Unsa ang labing dakong leksyon nga imong nakuha sa imong pagka- composer?

RALPH: I learned to value music. I also learned to respect the songwriters and their efforts in making songs.  It's an art. It's a gift as well. Dili kabayran og salapi ug dili makawat ni bisag kinsa. I also learned that every song has its own story, reason and purpose.

BNH: Sa imong pagka mahiligon sa musika unsay gusto nimong i- highlights sa imong kinabuhi kun buhatan ka’g storya niini?

RALPH: Kun buhatan ko og story siguro gusto nako i-highlights ang akoang talento ug akoang kinabuhi nga sayo ko nagsugod sa kalibutan sa songwriting o isip bata nga composer. Gusto nako ipaabot sa tanan nga wala sa edad ang pagka composer. Mapa bata man o tigulang. As long as we just have to share what God has given us. Inspire other people through this talent. (BANAT NEWS)