Best in attitude problem!

Happy Sunday mga KaBisChika! Feel na ba ninyo ang init sa panahon? Well,  Summer is in! Mao nga morampa gani mo sa dagat o resort  ayaw kahibulong naa ang mga beach body. Maglaway na lang dayun ka?  Hahahaha! Mao nga sa mga nag diet, gym ug uban pa push lang na ninyo kay ang inyong Mother Butanding mo rampa sa dagat ug kever sa akong Butanding body!Hhahahahaha!

Kinsa Siya ??? Artistang attitude

Taodtaod nang nanggawas ang chika nga matud pa best in attitude gyud ning usa sa mga nag-unang tv host actress sa kauluhan. Gani open secret na matud pa sa showbiz industry nga best in deadma gyud ni siya sa iyang mga fans didto nga ganahan magpa-picture kauban niya. Dili gyud matud pa manumbaling! And take note, kusug kaayo ni mo head- to- toe nga motan-aw nimo.

Nahitabo sad ni sa usa ka fan niya dinhi sa Cebu nga nihangyo daw tawon sila nga magpa-picture sa maong artista, wala lang gyud nanumbaling ang maong babaye oi!  Nahugno ang fan sa attitude. Nagpadayun lang gyud siya sa iyang gibuhat nga mura’g walay tawo nga nanghangyo niya’g magpa-picture.

KINSA SIYA? Lapad lapad ni siya’g nawong. Wow! Pak!

Skin 911 Sa Tacloban City

Hingpit na gyung gibuksan sa publiko ang usa sa mga nag-unang skincare clinic sa Kabisay- an ug Mindanao. Ang skin911 Tacloban molahutay na sa pagserbisyo ug paghatag sa dekalidad nga beauty and wellness package sa mga Taclobanon.  Kini anaa mahimutang sa Burgos Street sa maong dakbayan.

Nasayran nga 11 tuig na nga naglawig sa Sugbo  ang maong skincare clinis nga naghatud og  linahi nga kaanyag sa matag Cebuano. Sa 11 ka tuig niini sa panerbisyo, napamatud-an na sa kadaghanan ang ka epektibo niini sa kalibutan sa pagkab-ot og tim-os nga kaanyag. Kini gipanag-iya ni Eleanor "Leah" Velasco. Ang tumong ug tuyo sa pagmugna niya sa maong kompanya mao nga siya mituo nga katungod sa matag tawo ang makasinati og barato apan epektibo nga beauty service.

Ang franchises  sa Tacloban branch mao sab ang maanyag nga si Charmagne Pfleider inabagan sa iyang bana nga si Rodolfo Pfleider.

ANG LINGKOD NG PANGINOON- MACTAN adunay ipahigayon nga Lenten Recollection karung adlawa. Yes, karung ala-una sa hapon hangtud alas sais sa gabii. Adto kini mahitabo sa Indiana  Aerospace University sa Lapu-Lapu City. Para sa dugang detalye bisitaha ang ilang facebook page:  ANG LINKOD NG PANGINOON - MACTAN. Magkita kita ta!