Anak ni Andi nag-iba na ng last name

SEEN: Maganda si Devon Seron bilang taong grasa sa Pwera Usog ng Regal Entertainment Inc. Mas maganda ang mukha ni Devon sa mga eksena niya bilang taong grasa kesa sa kanyang normal na itsura.

SCENE: Yes to death penalty ang boto nina House Representatives Yul Servo at Monsour del Rosario. Team Patay ang tawag kay Yul ng constituents niya na hindi umaayon sa kanyang vote.

SEEN: Hindi matutuloy sa susunod na buwan ang boxing fight nina Senator Manny Pacquiao at British boxer Amir Khan. Kanselado na ang laban dahil peke ang grupo ng mga investor na gagastos ng US$38 million para sa cancelled Pacquiao-Khan fight.

SCENE: Ginagamit na ng administrator ng Instagram account ng anak ni Andi Eigenmann ang Ejercito family name ng biological father ni Ellie, si Jake Ejercito.

SEEN: Walang binatbat si Ryza Cenon sa acting ni Sunshine Dizon sa heavy dramatic confrontation scene nila sa episode kahapon ng Ika-6 Na Utos.

SCENE: Ang US at Canada tour ang aasikasuhin ni Coco Martin sa April 2017 kapag natapos na ang primetime teleserye niya sa ABS-CBN, ang FPJ’s Ang Probinsyano. Sina Pokwang at Chokoleit ang makakasama ni Coco sa US at Canada shows niya.

SEEN: Dadalo si Eugene Domingo sa special screening ng Ang Babae sa Septic Tank sa March 17 sa UP Cine Adarna. Sa­sagutin ni Eugene ang lahat ng tanong ng manonood pagkatapos ng screening ng pelikula niya na official entry sa Metro Manila Film Festival noong 2016.