BANATANAY; Mura’g kitay giilad ani!

Jaypee: Olah everyone! Laing hugna na usab sa Banatanay ang atung pagasaw- an karon! Before anything else akong dakong pagpangumusta kaninyung tanan! Agay! Sa atung hisgutanan karon, nakugang ang kalibutan sa showbiz last week human sa panagbuwag nila ni Erich Gonzales ug Daniel Matsunaga. Daghan ang naguol kay lagi daghan man ang nakabantay nga growing ang relasyon nila kaniadto.  Apan karong bag-o lang, daghan ang mga chismosa nga nabuhian og dugo human nasigpatan ang duruha nga sweet kaayo didto sa California. Matud pa sa duha nga  nagkauban ra sila tungod sa commitment nila nga dili  pwede nga  balibaran. Apan daghan gyud ang nagtuo nga posibling magbalik pa ang duha kay lage makita man sa mga hulagway ang ilang pagkamapahiyomon samtang nag uban sa usa ka show  sa California. Para sab nako, posibleng magbalik pa gyud ni ang duha kay di sab ingun ana kasayun ug kadali nga malimtan ang ilang gisaw-an nga panaghigugmaay kaniadto. Support ko sa comeback sa ilang love story.

Sanden: Para nako, murag hanap na sila nga magkabalik Kumareng Jaypee kay sa akong naobserbahan, dako gyud ang ilang away kun basehan ang mga lenggua ni Erich kaniadto. Ilabi na katong niana siya nga "hindi kami friends ni Daniel".  Gituyo  rana sa Star Magic nga mag-talk silang duha aron mahilom dayon ang tsika. Kahibalo na baya ta nga kinahanglan nga okay sila tan-awon sa publiko ilabi na kun duna sila’y mga  out-of-town show.  Ang mugna ana, magplastikanay ang peg.

Yuri: Avisala!!!! gimingaw ko ninyong tanan! Kumusta na ang mga KaBanatanay nato? Sure ko kalipay ug kaguol inyong gibati niaging semana.  Kalipay sa dunay ka –Valentine’s date ug kaguol sa mga nga-gga nga parehas nako. Dili ko sure ni Mysterious Sanden kun asa nag -date ug siyempre ang open book lovelife ni Jaypee nga murag Erich - Daniel ang peg!.  Para nako makapangutana ko nganong dili suwerte si Daniel sa gugma? Nakatrabaho nako si Daniel sa una ug sa akong na obserbahan,   buotan ug very thoughtful . Kita pud ko sa iyang sexy photo, OMH!--oh my Hugyaw!  Gifted,  lami ug feeling nimo extra rice in a kaldero gyud imong kan-on. Samtang si  Erich, guwapa  siya but I’m not sure ha kun unsa pud ang iyang batasan.

Jaypee: Feeling gwapa nga Sanden! , action speaks louder than voice. Atong ibutang nagnilabayay sila og mga hait nga mga pulong apan karung bag- o lang, nakita man natu sa ilang mga pictures sa Instagram--ang sweetness tali sa duha. Basta alang nako magkabalikan ra na sila. Ug para nako fresh ko kay nag-Skin911 ko ug ang tibuok Pagadian mahimo nang fresh sa umaabot nga mga adlaw kay magbukas na ang Skin911 Pagadian. Di ba Ms. Eleanor Velasco?

Sanden: Hilom diha hampaslupa ug feeling guwapa nga Jaypee, hinuon maka-relate man ka sa linya nga 'love is sweeter the second time around' maong muana gyud ka nga naay purohan magbalik sila Erich ug Daniel. Hinuon, suma pa sa uban nako nga mga kaila, challenging daw ang ikaduhang hugna sa paghinigumaay, sakto ba Kumareng Jaypee? Hello Tita Yurs , ambot lang pud anang Erich uy, dili man siya suwertion anang butanga, dili susama sa lovelife sa atong amiga diha, hahaha. Hinuon makita man gyud sa mga hulagway nga gipang-post nga nag-talk ug nag-uban sila si Erich, pero wala man tu silay choice kay naa man sila naka-pending nga mga show didto sa laing nasud.

Yuri: Beshie beshie Jaypee nga init ug lovelife,  sakit kaayo ka manulti oi sa atong sessy Sanden!  Wala ta kahibalo naa siya'y gitaguan nga DJ karon.  Magpasalamat kita ni Sanden sa talents nga iyang gi -provide sa atong surprise mañanita para ni Mam Leah of Skin 911. Kanang ilang Erich ug Daniel usa rana ka dakong BisChika kay human na ang ilang salida, unsa pa man ang tsismis para nila? So meaning magmugna dayun para muhumot sa katawhan ug remember bad publicity is still publicity.  Sa akong nakita, dunay giluto nga project para sa duha .Aron magpabilin sa katawhan ilang kasikat ,dapat naay buhaton nga makahugyaw!

Jaypee: Mas hampaslupa ka Sanden.  Don’t judge me because you’re not a judge  and I’m not a book,  echus!.  Bitaw uy, Love is sweeter the second time around.  Dili  baya ka gwapa Sanden,  paghilum diha arun di taka isang- at!. Mao nang bitter kaayu ka sa mga couple kay di man gyud ka gwapa maong wa ka’y lovelife. Agay! ka –chesmes.  Base sa akong napanglantawan, magbalik gyud ni silang Erich ug Daniel uy kay naa pa gyuy spark sa ilang mga mata. Ug alang kanako posible pang ma-istoryahan nila ang kun unsa may conflict nila kaniadto. Daghan usab ang ma-happy uy if magbalik sila. Knowing Erich and Daniel, they are both a lovely and sweet talents

Sanden:  Saba diha  Jaypee,  nagsalig ka sa nagkalami nimo nga lovelife, maong ing-ana ka manulti. Basta ako masulti, nga posibling tinuod nga duna'y kalabotan sa kuwarta ang breakup nila ni Erich ug Daniel. Ni-aksyon og kabalaka ang Star Magic busa dali sila nga nipagawas og statement aron intawon dili maapektohan ang ilang career. Hello Tita Yurs , wala intawon ko'y gitagoan nga DJ uy hahahaha. Diin man intawon ka ana nga tsismisy uy? Ug ikaw hampaslupa nga Jaypee, wala bitaw ko'y lovelife , wala man ko gadali kay  dili ko ganahan magsige maoy.  Hangtud sa sunod Martes na pud mga kabanatanay! Daghang salamat sa inyong pagbasa.

Yuri: Para nako Erich - Daniel love team  kay key lang kun naa sila’y  salida. Siguro sakto ka sessy Sanden tungod sa ilang mga commitments dapat magpagawas sila og photos nga okay sila. Para nako pud, wala seguro’y money issue , apan kinahanglan sila magmatngon sa mahulmang isyu sa ilang mga career.   Dinhi na lang ta kutob sa atong pag-istoryahanay. Mag-uban-uban gihapon ta ha sunod Martes. Maayong adlaw kaninyong tanan.

Alang sa inyong mga reaksyon, mahimo ninyo ipadangat sa “Akong Banat” sa Kalandrakas  pinaagi sa 0933-336-8999. Butangi palihug og ngalan ug address. (BANAT NEWS)