Jobelle Salvador nabiktima ng mga carnapper! Nanay ni James kumakayod sa resto

SEEN: Ang panawagan ng aktres na si Jobelle Salvador na biktima siya ng carnapping dahil tinangay ng dalawang lalake ang kanyang sasakyan na 2015 Ford Ranger Wildtrak na huling namataan sa Sariaya, Quezon.

SCENE: Nagtatrabaho sa isang diner sa Imus, Cavite ang nanay ni James Reid na si Aprilyn Marquinez.

SEEN: Matagal na hindi mapapanood sa Encantadia ang Alena character ni Gabbi Garcia dahil may commitment ito sa ibang bansa.

SCENE: “Please continue praying for me” ang sabi ni Senator Leila de Lima sa kostumer na hindi niya kilala pero niyakap siya at nagsalita sa kanya ng “Laban Leila!” nang magkita sila kahapon sa isang supermarket sa Parañaque City.

SEEN: Nakaamba sa susunod na linggo ang pagdakip kay Senator Leila de Lima dahil sa bintang na may kaugnayan siya sa mga drug lord. May alok kay De Lima na ikulong ito sa selda na katabi ng mga kulungan nina dating senador Jinggoy Estrada at Bong Revilla, Jr.sa PNP Custodial Center sa Camp Crame.

SCENE: Pulang-pula dahil sa makapal na lipstick ang labi ng12-year old singer na si Elha Nympha nang dumalo ito noong Biyernes sa 7th birthday party ni Alonzo Muhlach. #NagmamadaliNaMagdalaga.