Pagdaginot atol sa Valentine’s Day Ni Anden Miles

CEBU, Philippines - Pipila na ka adlaw,   ma-busy na usab sa pagpanuroy   ang   pipila ka mag-uyab aron saulugon  ang Valentines’Day.   Aduna’y uban diha nga padayon nga naghuna-huna kung unsa kaha nga regalo ang idalit nila sa ilang partner.

Alang sa inyong kasayuran, dili na kinahanglan nga  mogasto mo og maayo sa pagsaulog sa Valentine’s Day, hunahunaa baya nga  tingbitay pa kaayo ang February 14.

Mahimo raman  kini nga  saulogon sa  simple nga pamaagi ug dili na kinahanglan nga mabuslot ang  inyong bulsa.

Mao kini ang pipila ka  tips  nga akong nahipos  alang sa minos nga paggasto atol sa Valentine’s Day:

• Puwede ra kaayo nga mangadto mo sa paborito ninyo nga  baratohon nga kan-anan. Apan kung ganahan gyud mo nga mag-enjoy og taman , pag-food trip na lang mo sa inyong balay  aron kamo gyud ang mangunay sa pagluto sa  pagkaon.

•  Kay high-tech naman kaayo karong panahona, ayaw kalimti ang pagpadala niya og sweet message, pinaagi sa text  message  ug Facebook messenger.  Ang uban man  gud, mauwaw mopadayag sa ilang pagbati sa personal, kung makalahutay sila og padayag sa ilang gugma pinaagi sa text.  Pero cute man pud kung sultihan nimo siya sa personal, kana kung kaya sa imong  power.

• Hatagi ang imong partner og  something sweet, sama sa cake ug  chocolates. Dili na kinahanglan nga mopalit og mahalon nga produkto. Naa ma’y daghang baratohon diha.

•Kung tradisyonal ka nga pagkatawo,   mahimo nimo hatagan og buwak ang imong partner. Suma pa sa karaang panultihon, ang paghatag  og buwak  maoy usa sa mga  simbolo sa pagyagyag sa  feelings ngadto sa usa ka tawo nga iyang gihatagan niini.

• Alang sa mga single,  dili angayan maguol. Dili raman mag-uyab ang magsaulog  sa Valentine’s Day. Mahimo kaayo mo magselebrar niini pinaagi sa pagpanuroy uban sa ilang mga higala o  ba kaha sa inyong pamilya. Uso baya nang gitawag og group date.

•Pag-movie marathon na lang mo sa inyo, magluto mo og pop corn, payts na! (BANAT NEWS)