Sorry

Last Friday was a day of sorry. Si Miss Philippines-Universe Maxine Medina nag-sorry kay nasayup siya’g lengua nga ang Philippine terno matud pa niya “was invented” by Madam Imelda Marcos. Of course gi-bash siya kay nagpataka lang siya ug gikorihian usab siya sa kadaghanan. Nangayo’g dispensa with a smile si Maxine kay wala matud pa niya tuyua, ug ang iya gyung buot pasabot kay “popularized” dili invented. Pakpak

Sa samang adlaw, nabalita sab ang pag-sorry ni Rachel Alejandro ngadto sa mga fans ni Asia’s Songbird Regine Velasquez.  Nasayran nga duna diay ni silay issue sa una uy. Gitawag diay ni Rachel si Regine nga “most overrated singer of the Philippines.”  Nag-public apology matud pa si Rachel pinaagi sa kolum ni Philippine Star entertainment editor Ricky Lo, apan wala siya personal nga nag-sorry gyud kang Regine. Matud niya nga kuwang matud pa siya’g katug adtong tungora nga gi-interview ug iyang giangkon nga hayan nasuya sab siya kang Regine. Pero sa mga panahon matud pa nga nagkita sila ni Regine wala gyud matud pa naghisgot niini ang Asia’s Songbird.

Nabanhaw ang maong issue niadtong Biyernes human nga gi-share ni Regine pinaagi sa iyang Instagram account ang poster sa umaabot nga Valentine concert ni Rachel ug may usa ka fan sa nahauna ang nisudya sa nauwahi unsa ka buotan ang iyang idolo bisan pa man sa gibuhat ni Rachel ngadto niini kaniadto. Dinhi gipadayag ni Rachel nga namatud-an matud pa niya nga mapaubsanon gyud si Regine, hinungdan nga nag-sorry siya uban sa panghinaot nga pasayluon usab siya sa ubang fans ni Songbird.  Fan na sab matud pa siya ni Regine. Pakpak!

Sorry is just a five letter word. Sayon ra kaayo litukon apan lisud buhaton. It will take a lot of maturity and humility to do so. Isip tawo, we are prone to commit mistakes. But in order for us to be different from the rest, we have to admit our mistake, say sorry and learn for it. Kun muangkon ta nga nasayup ta, maka-move on ta. Busa kun adunay mangayo nato og pasaylo, atong ihatag aron mugaan atong paminaw.

Kay sa pagkatinuod lang, bisan ikaw maoy biktima, bation gihapon ka og kahasol nga adunay tawo nga nipasakit o nipasipala nimo. Mas grabe sab ang kahasol nga imong bation kun ikaw nakasala. Hasulon ka sa imong tanlag sa ngadto ngadto. Apan ang pagpangayo og pasaylo ug paghatag niini ngadto sa nagkinahanglan niini dili mahitabo sa usa lamang ka pagpamilok. Hinunua, nagkinahanglan kini og igong panahon ug pag-ampo. Ug aron makasugod ka paingon sa pagpangayo og pasaylo o paghatag niini, kinahanglan nimong atubangon ang kamatuoran nga nakasala ka o nasakitan ka. Acceptance is the key and not denial. So pray for it and wait for God’s time for such moment of being sorry and forgiving to happen beautifully. Pakpak!