Kris pumayag magpa-retoke
Sina Sunshine Dizon at Iza Calzado ang mga pangunahing bida ng Impostora na idinirek ni Maryo J. delos Reyes under GMA noong 2007. Pagkaraan ng sampung taon, ang nasabing serye ay ire-remake ng Kapuso Network with Kris Bernal playing the role of Nimfa, ang street vendor na papayag sumailalim ng facial reconstruction surgery para magmukhang si Rosette, ang maganda at mayamang character in the story.
Dahil sa muling pagpirma ni Kris ng panibagong kontrata sa kanyang home studio (GMA), mawawala na siguro ang mga espekulasyon na balak umano nitong lumipat ng Kapamilya Network.
Snooky at Ricardo kasal ang kulang sa kani-kanilang karelasyon
Masaya pareho ang lovelife ngayon ng estranged couple na sina Snooky Serna at Ricardo Cepeda. Matagal-tagal na rin ang relasyon ni Ricardo sa dating beauty queen-model-turned actress na si Marina Benipayo at ganoon din naman ang ex-wife ni Ricardo na si Snooky sa boyfriend nitong politician.
Sina Snooky at Ricardo ay may dalawang anak na babae, sina Samantha at Sachi na pareho nang tapos na ng college at pareho na ring nagwu-work sa isang advertising agency in Makati.
Kung gugustuhin nina Snooky at Ricardo na magpakasal sa kanilang respective present partners ay posible ito dahil matagal nang annulled ang kanilang kasal.
Shamcey at mister, 20 ang target na branches ng resto
Last Tuesday (January 24) afternoon ay dumayo kami sa triple celebration ng mag-asawang Lloyd Lee at dating Miss Universe 3rd runner-up (2011) na si Shamcey Supsup-Lee na ginanap sa Activity Center ng Il Centro ng Sta. Lucia East Grand Mall in Cainta, Rizal. Ang nasabing event ay advance second year celebration ng kanilang Filipino restaurant (with already four branches), ang Pedro `n Coi, 1st birthday ng kanilang baby na si Nyla Kelcey (Nyke) at Christian dedication (Christening) nito.
Nagmistulang fiesta ang buong activity center in Il Centro na punum-puno ng balloons all over, pagkain, drinks, food carts at iba pa.
Very hands on sa preparation ang mag-asawa maging ang kanilang pag-estima sa mga bisita na dinaluhan ng mga kapwa beauty queens ni Shamcey tulad nina Mary Jane (MJ) Lastimosa, Venus Raj, Bianca Manalo at iba pa. Ang mga ito ay kasama rin sa mga tumayong ninang ni Nyke na pinagbiyak na bunga ng mag-asawa.
Ang pagiging businessman ni Lloyd at pagiging arkitekto ni Shamcey ay kanilang pinagsama sa kanilang itinatag na negosyo in 2015 na ang pangalan ay hango sa kanilang mga pangalan, ang Pedro ay galing sa Lloyd Peter habang ang Coi ay palayaw ni Shamcey habang ang `N’ ay mula sa initial na pangalan ng kanilang baby na si Nyke. Dito rin nabuo ang kanilang PNC brand which stands for Pedro, Nyke and Coi.
Ang kanilang apat na branches ng Pedro `n Coi ay inaasahang aabot ng 20 bago magtapos ang taong kasalukuyan.
Si Shamcey ay busy rin sa pre-pageant activities ng Miss Universe at sa kanyang pagiging professional architect.
- Latest
