Donna Villa mipanaw na
CEBU, Philippines - Nipanaw na sa edad nga 57 ang actress- producer ug kapikas ni direk Carlo J. Caparas nga si Donna Villa gumikan sa cancer.
Una na nga gidala sa UST Hospital si Donna niadtong January 10 ug nakabsan kini sa iyang kinabuhi niadtong Martes sa hapon.
Nasayran nga aktibo kaayo kaniadto si Donna sa pag-produce og mga pelikula niadtong 1990’s pinaagi sa iyang Golden Lions Films.
Pipila sa iyang gi-produce naglangkob sa "Vizconde Massacre: God Help Us" (1993), "The Myrna Diones Story (Lord Have Mercy)" (1993), "Lipa Massacre: Lord Deliver Us From Evil" (1994) ug "Antipolo Massacre: Jesus Save Us!" (1994).
Tambag ni Gloria kang Maxine pakuhaon og Interpreter
Gitambagan ni Gloria Diaz ang representante sa Pilipinas alang sa 65th Miss Universe nga si Maxine Medina nga magkuha og interpreter alang sa Q and A portion sa grand coronation night.
Gisaysay kini ni Diaz sa pakighinabi niini sa PTV sa bag-ohay lang nga Governor’s Ball kung diin nahimamat niya sa unang higayon si Maxine.
“This is the first time I will meet Maxine and the first thing I will tell her is to get an interpreter if she feels that she can better express her thoughts using our vernacular language,” matud pa ni Diaz.
Matud pa ni Diaz nga ang pagamit og pinulongang Filipino atol sa Miss Universe pageant, dili kini makapaminos kaniya isip beauty queen.
“She is a Filipina and I don’t think it will make her less of a beauty queen if she will decide to use our language on the grand coronation,” dugang pa ni Diaz kinsa maoy nakalangkat kaniadto sa titulong Miss Universe 1969.
Samtang ang pageant trainer ni Maxine nga si Jonas Gaffud nipadayag nga tun-an pa nila ang posibilidad nga magkuha og interpreter.
“Ang sinasabi lang namin, kung ano ang nasa puso niya, sabihin niya. So ngayon kung kakailanganin niya para mas ma-convey niya ‘yung kanyang nasa puso at isip, e di sabihin lang niya,” saysay pa ni Gafud ngadto sa ABS-CBN News. (BANAT NEWS)
- Latest
