Nataypan si Liza

CEBU, Philippines - Giangkon sa singer nga si Bryan Termulo nga pangandoy gyud niya nga makapares  sa usa ka proyekto ang Kapamilya Princess nga si Liza Soberano. Aminado si Bryan nga daghan gyud ang nangandoy kang Liza gumikan sa ka maayo niini. 

Wala’y mausab

Giasoy sa Kapamilya sexy actress nga si Coleen Garcia nga padayon siyang mohimo og sexy roles bisan pa man nga magminyo na sila ni  Billy Crawford. " I don’t think life should stop when you get married,” tsika pa sa aktres.

Komportable ra

Malipayong gipaambit sa Kapamilya hunk actor nga si Gerald Anderson nga komportable ra siya sa iyang  ex-girlfriend  nga si Kim Chiu. Nag-uban  sila si  Kim ug Gerald sa umaabot nga ABS-CBN primetime series nga Ikaw Lang Ang Iibigin.

Loyal sa GMA-7

Nanghinaot ang Kapuso sexy star nga si Katrina Halili nga unta magpabilin siyang Kapuso human matapos iyang kontrata sa  GMA-7 karong  Abril. Gibutyag sa aktres nga padayon siyang loyal sa Kapuso network kung hatagan pa siya og project sa  maong  network . "So, magiging loyal po ako hangga’t bibigyan nila ako ng trabaho. Pero siyempre, kung wala na, mahirap namang maging loyal kung wala nang trabaho, sigun pa sa aktres.

Gretchen nanungog

Gipistahan  sa social media ang mga video nga gi-upload ni Gretchen Barreto atol sa Miss Universe 2016 Governor’s Ball niadtong Lunes. Nahimuot pag-ayo ang  netizens sa  pagsungog ni Gretchen ngadto sa iyahang hinigugma  nga si Tonyboy Cojuangco ug sa Miss Universe-India nga si Roshmitha Harimurthy kinsa nasakpan niya nga nag-istorya. "Hay, naku, My Dada’s flirting. Kakanta na naman akong mag-isa, ” lengua pa sa aktres.

Dili modawat

Nagdumili pagdawat sa titulong Horror Queen ang Kapamilya actress nga si Iza Calzado gumikan kay ang  Queen of all Media nga si Kris Aquino ra gyud ang nag-inusarang naghupot sa maong titulo ug dili na kini mahimong ilogon. "There's only one Horror Queen and that's Kris Aquino, “ matud pa sa aktres.

GMA 7 gusto og bag-o

Gipasabot sa GMA SVP for Entertainment TV nga si Miss Lilybeth Rasonable ngadto sa ilang fans nganong mas gipili nila ang newbie Kapuso actor nga si Gil Cuerva maoy  ipares ni Jennylyn Mercado alang sa  seryeng My Love From The Star remake . Nasayran nga daghan pa og karaang mga artista ang swak kaayo sa maong proyekto apan si Gil gyud ang napili. Matud pa ni Rasonable nga suwayan pud nila ang  bag-o nga produkto  nga mahimong atangan sa viewers.   "We thought it would be fresher and something you could look forward to if we had somebody there who is new," pasabot pa niini.

Lauren mobalik na

Mobalik na sa pag-arte ang aktres nga si Lauren Young human dul-an sa usa ka tuig nga pagpahuway sa showbiz. Malakip si  Lauren sa  upcoming GMA Afternoon Prime series nga "Legally Blind," diin makauban niya sila si  Janine Gutierrez, Mikael Daez, Marc Abaya, Chanda Romero ug Ricky Davao. (BANAT NEWS)