Uban kanimo mahiluna BANATANAY; Gaa’g Chance!

Sanden:  Hello mga suki namo sa Banatanay! Ania na usab kita sa laing hugna sa atong kukabildo kalabot sa nagdilaab nga isyu. Hi Tita Yurs nga puwerting bisiha karong panahona sa mga event sa Sinulog, ug kang Kumareng Jaypee nga pabalik-balik sa Sta. Fe pero wala gyud ko dad-a… hahaha. Naa ko’y akich ninyo, wala gyud ko kauyon uy sa pagkatudlo anang Mocha Uson isip usa sa mga board members sa Movie and Television Review And Classification Board. Ambot lang uy, kadaghan pa nga mas angayan nga ibutang diha sa maong ahensya.

Jaypee:  Olah mga higala, mi amigo mi amiga, agay!  Human sa Pasko ug bag ong tuig, busy na usab ang Sugbo alang sa Sinulog! Prititit! Ug mahitungod sa atong issue karung adlawa, makaingon na sab ko sa akong self as a person in the solar system nga panahon na sab tingali Sanden nga dili gwapa, nga mo move on na ta aning Mocha Uson. Hatagan nato’g chance to prove herself. Social Media Influencer baya siya, so why not give her a chance for such position? Bitter ra pud kaayo ka Sanden! Ayaw mi iangin sa pagka-bitter sa imong lovelife bi! Agay!

Yuri:  Avisala mga Beshie-Beshie Sanden ug Jaypee! Hala noh? Makasulti ka Beshie Jaypee ni Beshie Sanden kay wagas mura pud ka’g happy sa imong lovelife ron di ba imong theme song kay "Atik ra" hahahahaha! Beshie Sanden ug Jaypee akong pangutana unsa diay qualification para mahimong MTRCB board member? Para nako tungod sa image nga gi-project ni Mocha, diha siya nasango sa iyang pagka board member, ug dili nato mabasol ang ubang netizens moreklamo. Pero sa laing side sa coin, Mocha is dedicated sa iyang work-lahi ang iyang gi-project on cam, pero off cam nagpakabana siya sa mga panghitabo sa telebisyon.  Ang pangutana karun define soft porn? hahahahaha

Sanden:  Hala Kumareng Jaypee nu? Nagsalig ka kay lami  ka’g lovelife, buwag-balik baya ang dating ninyo, maypa  mag-biko ka og pink. Para nako, daghan pa kaayo og personalities nga mahimong pilian uy.  Kana si Mocha, pataka ra baya na og sabat sa social issues, gadala og samok. Hello Tita Yurs , naa pud ka'y point ha, dili makatubag anang soft porn hahaha, si Jaypee ay makatubag.

Jaypee:  Unsa man gyuy ikasakit sa imong budhi Sanden nga dili gwapa nga gihimo ra man siyang board member ? Gawas tingali og mag -chairman gyud siya kay lahi na pud na nga story. Sama sa akong giingon, huwata nga ma-prove niya nga angayan siya sa maong pwesto. Kung way kisaw ang iyang pagkatudlo isip board, didto na ta mo-protesta. Bahin anang giingun nimong nganung siya ang gipili nga daghan pa man unta ang mahimong pilian, sayod baya ta usahay sa atong panggobyerno, kun kinsay dako og natabang  sa kampanya sa usa ka kandidato nga midaug,   makapabor gyud na sila. Sama na lamang sa part ni Mocha, sayud baya ta nga lunod patay na lang gyud ang suporta niya ug sa iyang grupo sa administrasyong Duterte.

Yuri: Beshie Jaypee nakapuntos ka’s bahin anang panggobyerno, ang dating diay utang kabubut-on? Akong gi-research ang background ni Mocha mao ni ang nigawas

About

Filipino singer and model best known as the lead singer for the group Mocha Girls.

Before fame

She studied Medical Technology at the University of Sto.  Tomas.

Trivia

She became one of the first female Filipino celebrities to admit to being bisexual.

Family Life

Her mother is a highly-successful doctor.

Associated with

She and the Mocha Girls appeared on the show Wowowee, which was hosted by Willie Revillame.

Unya unsay masulti ninyo mga Beshie beshie?

Jaypee:  Backstage ang Sanden, ako support ra ko sa bisexual. Basta mao nay punto nako mga kabanateras nga panahon na sab tingali nga muhunong sa ang kadaghanan sa pagbirada ni Mocha, hatagan siya natog kahigayunan. Labi na kun ang pagtabang sa pagpalambo sa nasud ang tumong sa tawo kun nganung nabutang  siya sa maong pwesto.  Hapoy Vibes lang everyday kay Happy Sinulog na! Pit Señor mga Banatera!.

Sanden:  Wow hugyaw sad diay og background kanang bayhana Tita Yurs uy. Sige, dili na ta maglalis ana feeling guwapa nga Jaypee. Ato na lang huwaton unsa’y gama ana niya, hinuon naa pa’y taas nga panahon para pamatud-an niya kun duna ba siya’y ikabuga. Naa ba kaha? Atangi na lang.

Yuri: Para nako mga Beshie Beshie, ang importante ang future unsay mabuhat ni Mocha? Ug atong mahibaw-an kung unsa gyud nang soft porn nga iyang gipasabot? Tingale ang netizens nitaas ang kilay kay ang iyang background sexy man. Let’s not judge the book kun wala pa nimo nabasahan! hahahahaha! Tagaan nato siya og chance nga ma-prove ang iyang worth nga wala nasayop ang presidente sa iyang desisyon. Mura’g ikaw Beshie Jaypee, imong boyfriend is asking you for another chance unya gwapa na dayun ka sure ko mangayo to og plete kay Sinulog na wala siyay plete ug budget para laag! Aawwww! Beshie Sanden ang importante ma atong  matabangan si  Tiya Mocha nga  makahatag og kalamboan…hahahaha.!  (BANAT NEWS)