okRYAN; Sinsilyo

CEBU, Philippines - Sa usa sa siyam ka misa de gallo nga akong nasalmutan, may nakadungan ko nga mag-inahan ug anak. Wala ra gyud unta ko ato magtagad nila bisa’g nagtupad ra mi’g tindog. Pero paghalad na nakabig akong atensyon ngadto sa maong mag-inahan ug anak. Nilenggua ang inahan ngadto sa iyang anak babaye: hatagi gud na (ang kolekta). Nitubag ang anak: Wala may sinsilyo diri gud.” Perte gyud niyang ukay-ukay sa wallet, unya ang tigkolekta, naghuwat sab tawon. Unya kay nadugay man gyud, samtang ang anak nagsige’g balik-balik og litok nga wala gyud matud pay sinsilyo, nilakaw ang tigkolekta.

Unya gihabwa sa anak ang sulod sa wallet. Wa gyud hinuoy sinsilyo, pero nakakita ko og papel nga P20, P50 ug P100. Niingon ang inahan nga kadto unta matud pang P50 ang gihulog sa babaye. Ug nitubag siya nga wala gyud lagi kunoy sinsilyo. Naglalis pa to sila kadali, pero nilingiw na lang ko nga nagpanlingo. It all really boils down to your faith.

You know, sige gyud ta og ampo. Ug kanunay lang ta nga mudawat og limpyo. Ganahan ta dagkong grasya atong pangayuon gikan sa Ginoo pero tihik kaayo ta nga muhatag og unsay para sa Ginoo. Di ba, “Give Caesar what is for Caesar”? Mao nay naa sa Bibliya. Nagtubo sab ta sa panultihon nga, ‘What you sow is what you reap,” ug “Kung may itinanim, may aanihin.” Pero daghan pa gyud nato ang wala kasabot  anang maong mga panultihon. Kun naa tay pangayuon sa Ginoo, mamuhunan sab ta uy.

Ten percent of our earning should go to the church. Muingon mo nga dili mo muhatag kay adto ra na sa mga maayong kamot o lawom nga bulsa sa pari padung, it can or can’t be true, but that is another story. Konsensya nana sa mangawkaw anang atong ihatag sa simbahan. Naa man gyu’y gaba, and it’s so true. Ang importante nga nakakita ang Ginoo unsay imong gibuhat, nabatyagan niya ang naa sa imong kasingkasing ug nabasa niya ang naa sa imong hunahuna. Mao bitaw na nga dili na kinahanglan ibandilyo ug ibandera pilay  imong gihug nga kantidad panahon sa kolekta. Para unsa pa man? Aron ingnon ka nga maayong tawo ka or adunahan ka? That is so worldly! Bible says, “When you give, do not let your left hand know what your right hand is doing.”

I’m sure kita tanan, naghandum nga karong tuig 2017, unta masulbad na atong problemang pinansyal. Ayaw mo diha’g panamay, kay I’m sure timawa ug adunahan managsama rana og problema: unsaon nga maka kwarta ug mas maka kwarta pa. Pwes ang inyong buhaton share your blessings lagi. Ten percent of your gross earnings should be given to the church or kun dili mukomportabli ihatag to a charitable institution. Ayaw ninyo’g hatagi og sinsilyo ang Ginoo, aron dili sab sinsilyo ang mabalik ninyo. Suwayi lang and do it wholeheartedly. Do it in secret. Ayaw ihinambog! Pakkk… (BANAT NEWS)