YFSF kids magsasabog na ng kakyutan simula bukas

MANILA, Philippines – Bagong anyo ng kakyutan ang matutunghayan ng mga manonood dahil simula bukas, celebrity kids na may big time talent ang dadaan sa nakaaaliw at cute transformations sa Your Face Sounds Familiar: Kids.

Sa panguguna pa rin ni Billy Crawford, abangan ang walo sa pinakasikat at cutest child stars ng ABS-CBN na magta-transform bilang local at international celebrities.

Huwag palampasin ang pagpapakitang gilas linggo-linggo ng ang Dance Sweetheart na si AC Bonifacio, Bibong Child Wonder na si Alonzo Muhlach, Breakout Child Star na si Awra Briguela, ang Big Shot Belter na si Elha Nympha, ang Musikerong Charmer na si Justin Alva, ang Young Diva ng Masa na si Lyca Gairanod, ang Talented Cutie na si Sam Shoaf, at ang Daytime Princess na si Xia Vigor.

Tunghayan din ang pagbabalik ni Mr. Pure Energy Gary Valenciano at ng Megastar na si Sharon Cuneta, kasama ang Multiplatinum Singer and Songwriter at pinakabagong judge na si Ogie Alcasid na magdadagdag saya at magsasala sa performances ng celebrity kids.

Tulad ng mga naunang season, linggo-linggong maghaharap nang walang elimination ang celebrity kids na sasailalim sa acting, dance, at vocal training. Dadaan din sila sa make-up transformation upang mas makuha ang itsura, ayos, at galaw ng kanilang ini-impersonate na music icons.

Sa bawat episode, ang celebrity kid na makakakuha ng pinakamataas na puntos ang siyang mag-uuwi ng cash prize, na ang kalahati ay mapupunta sa kanyang napiling charity.

Sa loob ng dalawang seasons, naging mainit ang pagtanggap ng mga manonood sa Your Face Sounds Familiar. Kinabiliban ang bawat transformation ng mga artistang naging kalahok ng palabas, kung saan idineklarang kampeon si Melai Cantiveros noong season one at si Denise Laurel naman noong season two.

Huwag palampasin ang pagsisimula ng Your Face Sounds Familiar: Kids sa ABS-CBN o sa ABS-CBN HD (SkyCable ch 167).

Para sa updates, i-like ang www.facebook.com/yourfaceph, at sundan ang @YourFacePH sa Twitter at Instagram.