Junas Dungog Flores

Fast Facts:

Name: Andro Banate

Nickname: Andy or Dro Arts

Age:  Pwede secret lang una? HEHEHE (41 SA AKONG KWENTA, SIR)

Address: Nlbg, Upper San Jorge Village, Guadalupe, Cebu City

College: University of the Visayas

Course: BSHRM

Special courses: -Licensed Practical Nursing (Ruiz Healthcare Training Institute)

-Business Technology Education Course in Health Education (BTEC)

(United Kingdom)

Profession: Freelance Writer

Favorites

Book: Bible

Food: Pork Stew

Motto/Principle: Live life to the fullest

Dili tanang tawo maayo mosuwat, ug dili tanang binuhat ang gihatagan sa Ginoo og grasya ug talento sa pagsuwat. Busa kun aduna kay talento sa susamang aspeto, angayang imo kining palambuon ug mahalon aron ikapaambit ngadto sa uban.

Daghan ang maka-relate sa sugilanon ni Bambie sa Taytayan sa Gugma hinungdan nga dili gyud pakyason sa mga suking magbabasa ang maong istorya. Siya usab ang nagsuwat sa mga sugilanong unang gihangop sa mga suki sa Banat News nga mao ang “Mga Eba Sa Paraiso Ni Adan” ug “Birhen Sa Kalapokan.”

Bisan pa man sa linghod nga pangidaron, mahiligon na gyud mosuwat og sugilanon si Andro Banate o mas nailhan nga Dro Arts dinhi sa Banat News.  Nahimo siyang kabahin sa Banat News ug nagsugod og suwat og mga sugilanon sukad niadtong Disyembre niaging tuig. Gawas sa pagka maayong laki sa pagsuwat og mga sugilanon, usa usab siya ka award- winning songwriter ug acting ug stage play director. Usa usab siya ka radio talent sa DYRF sukad niadtong 1994 diin giisip niya ang maong kasinatian nga rason nganong nahashas kini.

BNH: Kanus-a ka nagsugod og suwat og mga sugilanon?

Dro Arts: When I was 19 yrs old, tuig 1994.

BNH: Aduna ba kay formal training sa pagsuwat o self-taught writer ka?

Dro Arts: Nag-agi ko’g workshop sa playwright with late Daisy Baad and Bien Fernandez. Other than that through experience kay daghan na ko’g mga writer nga naagian sugod niadtong 1994 as radio talent sa DYRF.

BNH: Gawas sa pagsuwat og sugilanon, unsa pa man ang lain nimong talento o gikalingawan?

Dro Arts: Acting, Stage Play Director

BNH:  Kinsay nag-aghat nimo nga moapply isip writer sa Banat?

Dro Arts: Si Aljin Abaquita of Super Radyo DYSS maoy nag-refer nako kang Ryan Mark Borinaga kay nagkinahanglan kono ang Banat og writer. Adtong tungora connected pa ko sa DYSS as scriptwriter ug voice talent.

BNH: Kumusta imong life human ka nahimong kabahin sa Banat? Unsay kabag-ohan sa imong kinabuhi sukad nagtrabaho ka isip writer sa Banat?

Dro Arts: Kabag-ohan? Wa man siguro kay nagpabilin pa man ko’ng writer, hahahaha, Bitaw, makapadako sa atay ilabi na’g makabasa ko sa mga comments nga i-feature sa ‘Akong Banat’. Maka feel ko’g pagkadako sa atay, hahaha. bitaw makapa good vibes,. makapa-engganyo sa pagsuwat pa og mga nindot nga mga esena (eksena sa tagalog pa).

BNH: Asa man ka mokuha og mga idea sa imong pagasuwaton nga sugilanon?

Dro Arts: Makakuha ko’g ideya sa palibot. Gamay’ng hitabo sa palibot mamahimong dako.Kun aduna koy makita nga bisag gamay lang nga issue diha sa akong palibot mutumaw dayon ang ‘what if?’ like, unsa kaha kun mao ni ang mahitabo human anang hitabo-a? unya dayon mao ni,… mao kana ug unya mahitabo dayon ang kini… ang kana…etc…. bisan kinsa siguro naa gyud na ang ‘what if?’ pero naa ra sa tawo kun unsaon niya pag-develop ang ‘what if?’ aron mamahimong nindot nga sugilanon ug unsaon niya pagbutang og mga conflicts sa istorya aron dakpon o makakabig sa atensiyon sa mga readers (listener sa radio pa or viewers kun sa tv or film).

BNH: Ngano naka-come up man ka sa sugilanon nga Taytayan sa Gugma? Kinsa imong inspirasyon sa pagsuwat sa maong sugilanon?

Dro Arts: Daghan ko’g mga friends nga mga gays ug diha naluto sa akong huna-huna ang maong istorya. Kay sagad man gud bisan moingon ta naay nanalipod sa LGBT community pero dili kalikayan ang discriminations against nila. Ang tumong nako ug tinguha nganong namugna ning maong sugilanon aron mapasabot pa sa tanan kun unsay nature sa gay in general. Yes, nahibawo ta kun unsay ilang sexual preference pero tanan ba nasayud kun unsay tinuod nilang pagkasila? Kun unsay makaya sa mga gays and lesbians nga dili makaya sa straight ilabi na kun unsa sila kun mahigugma? Niining maong sugilanon, makita nila nga may bili sab ang mga gays or lesbians sa katilingban kay ang ilang kinatawhan (gender) dili ug dili mahitabo’ng sala o kasaypanan kay kun kinsay nagmugna nato mao usa’y nagmugna nila.

BNH: Hapit na ba nimong tak-opan ang sugilanon ni Bambie sa Taytayan sa Gugma? O taas pa ang maong istorya?

Dro Arts: Dili ko magsaba aron bibo. hahahaha. Bitaw, atangan lang gyud nila ang matag gula sa maong sugilanon kay daghan pa unyang mga rebelasyon ang mahitabo unya sa umaabot. Dili una ko mu-ingon nga hapit na or dugay pa mahuman depende sa dagan sa utok sa tagsulat.haha

BNH: Kun matapos na ang istorya ni Bambie, unsay laing sugilanon nga imong giandam para sa mga suking mambabasa?

Dro Arts: Naa na koy nahuna-hunaan pero hilaw pa ug wala pa maluto. Gitimplahan pa ug gisugkay pa sa akong utok pero maoy ipaniguro ko nila, ma babaye man, lalaki, tiguwang, batan-on, bayot o tomboy kay ma-inlove unya sila sa sunod nga sugilanon nga atong i-haon para nila.

BNH: Nganong Dro Arts man imong gamiton nga pangan?

Dro Arts: Kining Dro Arts nga  ngalan gikuha gikan sa tinuod nakong ngalan nga Andro ug Arts kay artista man ko, HAHAHAHAHA. bitaw oy, namugna gyud ning akong ngalan niadtong sa DYRF pa ko kay ang akong kauban kaniadto sa DYRF, way back 1994 gibunyagan ko sa ngalan nga Dro Arts.

BNH:  Aduna na ba kay giapilan nga mga contests sama sa pagsuwat og sugilanon ug uban pa nga klase nga contest?

Dro Arts:  Ambot kun matawag ba to’g contest. Misuwat ko’g full-length nga pang TV ang ‘CCTN CHANEL 47 Lenten Drama Special’ diin inig December dunay makadaug ug ma-awardan. Sa kaluoy sa Ginoo niadtong 2015 akoy napili nga Best Writer (best story).Hilig sab ko moapil og mga songwriting contest sama sa Cebu Pop Music Festival, Bibli Awit Songwriting Contest, Huniño,ug Pasko sa Sugbo Daygon Songwriting Contest.

BNH:  Aduna ba kay mga awards and recognitions? Unsa man kini sila?

Dro Arts: Nahimo kong Best Actor sa tuig 1993 ug 1995 sa Cebu City Drama Festival. Usa ka finalist sa Original Marian Song Festival sugod niadtong tuig 2014 hangtod karon tuig 2016 diin nahimong usa sa Best Song ang among kanta nga “Sapnaya kami, Inahan”. Ako ang lyricist ug ang naghimo sa tono mao ang singer/composer nga si Romel Roseque.

Niadtong tuig 2015, nahimo mi’ng Grand Champion sa Cebu Pop Music Festival alang sa kanta nga “Salamat na lang” diin ako ang lyricist ug gibuhatan og tono sa songwriter/singer nga si Cerj Michael. Gideklara sab kaming 2nd placer sa “Bibli (biblical-liturgical) Awit Songwriting Contest” niadtong November 13 sa IEC Pavilion sa kantang, “Kristo among Ginoo, Kaloy-i kami.” Kauban ni Frenyx Tarongoy, nahimong finalist ang among kanta nga “Huni sa kalipay” alang sa Pasko sa Sugbo Daygon Songwriting Contest nga ipahigayon karong December 30, 2016 sa SM Seaside. And lastly, nahimong Finalist ang among kanta nga “Paso” para sa Cebu Pop Music Festival nga akoy nagsuwat sa liriko ug si Cerj Michael ang naghimo og tono ug mao say mukanta unya puhon karong umaabot Enero 13, 2017 sa IEC Pavilion.

BNH:  Kung adunay usa ka tawo nga gusto nimong pasalamatan tungod sa dakong gikatampo sa success sa imong career, kinsa kini og nganong siya man?

Dro Arts: Pwede og tulo? Hehehe.Si Jennyrica Vidad sa CCTN Chanel 47 ug Fred Quinio nga maoy nag workshop namo sa didto pa mi sa DYRF ug ni Ryan Mark Borinaga nga maoy akong editor sa Banat.

BNH:  Unsa imong mensahe sa tanang suking mambabasa sa Taytayan sa Gugma?

Dro Arts: Atangi ang matag gula sa taytayan sa gugma. Nunti kanunay ug ayaw sipyata kay matag gula adunay mga dagkong panghitabo.

BNH:  Unsa imong ikatambag sa aspiring writers, hilabi na sa mga kabatan-onan nga nangandoy mamahimong writer sama nimo?

Dro Arts: Ayaw tagui sa kaban ang inyong talento sa pagsulat. Dawata ug gamita ang mga suhistiyon sa uban aron makamugna kag maayong sugilanon. Lingi-lingi sa imong palibot kay naa ra diha ang mga maanindot nga konsepto, epektibo ug maanindot nga sugilanon. I-develop ang matag lusok nga panghitabo sa palibot bisan unsa ka gamay nga imong makita. Lutoa sa imong utok ug sugkayag maayo aron inig haon, swabe ug swak sa panlasa sa masa.