PSN Showbiz

Reina Diosa 2016 nagmalampuson

November 16, 2016 | 12:00am

CEBU, Philippines - Natuboy na ang labing una nga rayna a nagmalampuson nga Reina Diosa 2016 nga gipahigayon niadtong Domingo sa gabii didto sa Mariner’s Court

Human sa tulo ka buwan nga lapad nga pagpangandam, napuno sa kahugyaw ug kasadya ang gikahinamang indigay sa 12 ka mga maanyag nga transwoman nga nagtangag sa adbokasiya sa paghingusog sa katungod sa LGBT Community.

Gisugdan ang pasundayag pinaagi sa paglugwa sa mga kandidata sa ilang production number nga sul-ob ang mga mugna sa nabantog na nga Aldo Loquinario. Gisundan kini sa pagrampa sa ilang Goddess Costume, Swim Wear ug Evening Gown.

Nakoronahan isip labing unang Reina Diosa 2016 ang 27 anyos nga si RC Velasquez nga maoy midala isip Goddess Artemis. Nakadawat siya og sash, trophy, bouquet of flowers, P5,000 Gift Certificate, cash prize nga P15,000 ug usa ka tuig nga kontrata sa Reina Diosa Organization.

Naangkon usab ni RC ang mga award sama sa Miss Skin 911, Miss Beauty Wonderland ug 1st Runner-Up sa Best in Costume.

Giangkon ni RC nga wala gihapon siya makatuo nga siya ang gideklara nga Reina Diosa karong tuiga gumikan kay mga lig-on pud ang ubang mga kandidata.

Gipadayag usab niya nga dili lalim ang iyang mga naagian nga mga pagsuway samtang nagpadayon ang indigay tungod kay iya gyud kini gigahinan og igong oras bisan pa man sa ka-busy niya sa trabaho.

Gibutyag usab niya nga aduna na siya’y mga gipangandaman nga buluhaton sa iyang torno.

“I’ve been an active member of LGBT organization namely COLORS Inc for six years and Repos Inc. Both organization molded me to empower transwomen when it comes to practicing their human rights, reducing stigma and involving community health outreach activities (like knowing their status). As the newly crowned Reina Diosa De Cebu, I shall continue my LGBT advocacy and be an instrument of change when it comes to gender inequality and discrimination. Now, I m very excited to actively participate in some outreach activities proposed and well planned by Reina Diosa Organization and still looking forward for more of it,” matud pa niya.

Napilian isip First Runner- Up si Chelsea Daine Mendoza (Goddess Hera) kung diin dako ang iyang pasalamat gumikan kay nakasulod siya sa Magic 7 gumikan kay natubos siya sa online votes sa Facebook.

Nalandig usab isip Second Runner-Up si Angel Marie Madrigal (Goddess Sabrina) ug third Runner-Up si Ashley Alta Romano (Goddess Aphrodite) nga adunay labing daghang tickets nga nabaligya.

Ang 4th Runner-up nga si Jerky Almo (Goddess Athena) adunay ubay ubay nga awards nga nahakot.

Napilian usab isip First Princess si Mahdison Rain Lucido (Goddess Medusa) ug Second Princess usab si Paula Abellar (Goddess Hestia).

Nahimong hosts sa maong pasundayag sila si Ash Urdaneta, Darwin Isoto ug ang atong Bischikadora nga si Yuri Richards.

Mipaabot sa iyang pasalamat ang tigdumala sa MoonWalk Cebu nga si Rhodel De Silva ngadto sa iyang mga kaabag ilabi na sa mga sponsors, suod nga mga higala, ug mga hurado nga mihatag gyud og oras, tabang ug suporta aron mahimong posible ang maong pasundayag.

CORPORATE & SPECIAL AWARDS:

Miss Ever Bilena – Candidate #6 (ATHEIA)

Miss Gaslamp – Candidate #5 (APHRODITE)

Miss Soi – Candidate #12 (ATHENA)

Miss Cabalen – Candidate #4 (SABRINA)

Miss Mariner’s Court – Candidate #7 (DEMETER)

Miss Kosmed – Candidate #12 (ATHENA)

Miss Fabular Dental – Candidate #11 (HESTIA)

Miss Xavier Solis Dental Clinic Award – Candidate #4 (SABRINA)

Miss Beauty Wonderland – Candidate #9 (ARTEMIS)

Miss Skin 911 – Candidate #9 (ARTEMIS)

Miss Petals Salon & Spa – Candidate #4 (SABRINA)