Sapatos

CEBU, Philippines - Sa panahon karon, ang puting sapatos mao ang nahimong uso nga sul-ubon karon sa kadaghanan ilabi na sa teenagers  gumikan kay makita nga aduna kini “dating”  bisan pa man og ordinary lang ang gisul-ob nga sapot.

Sa pagsul-ob og puti nga sapatos, kanunay gyud nga abtik sa pagbantay aron dili kini mahugawan dayon.  

Human sa pipila ka semana nga pagtagbaw sa pagamit niini, dili gyud malikayan nga mahugaw gyud ang inyong pinalanggang sapatos.

Kanunay nga naa sa atong hunahuna nga lisod kini nga limpyohan, apan suma pa sa www. bestdiy.tips, aduna diay  pamaagi aron maminusan ang inyong kabalaka. Kini nga sugyot maoy taytayan nga malimpyo ang puti nimo nga sapatos.

Mga gamit:

•Baking Powder

•Suka

•Tubig

•Toothbrush

Proseso: 

•  Magkuha og sudlanan aron isagol ang init nga tubig, baking powder ug  suka. Kinahanglan nga igo-igo lang aron molapot  ug mahimong  epektibo.

• Gamit ang toothbrush, inusnos kini sa sapatos. Palingin ang hapuhap sa pagpanusnos.

• Ipauga sa pipila ka oras.

• Hugasan kini og dili kaayo init nga tubig aron matangtang ang suka ug ang baking powder.

• Ipauga pag -usab.

• Kun aduna pa’y mga nahibilin nga hugaw, balika ang proseso.

  Mamahimo usab nga limpyuhan ang inyong sapatos gamit lang ang polbos ug ang tubig ug sunda lang ang nahisgotan nga proseso. (BANAT NEWS)