Pinoy film nakadaog sa Vietnam

CEBU, Philippines - Human nakadaog sa  London East Asia Film Festival  sa  United Kingdom dili pa lang dugay, nakadawat na pud  og laing rekognasyon  ang Pinoy film nga “Pamilya Ordinaryo” sa bag-ohay lang nga Hanoi International Film Festival didto sa Vietnam .

Ang direktor niini nga si Eduardo Roy Jr. maoy napili nga  Best Director , samtang napili usab nga  Best Actress ang lead star  niini nga si Hasmine Killip.

Gawas sa Pamilya Ordinaryo, nisalmot pud sa maong film festival ang ubang Pinoy films , sama sa   “Tandem,” “Imbisibol” , “Water Lemon” ug  “Sibol” .

Katulo na kahigayon nga nakadawat og award si Roy isip direktor sa maong pelikula, samtang ikaupat na usab kini nga award nga nadawat ni Hasmine sukad gisugdan ang pagpasalida sa    “Pamilya Ordinaryo” sa nagkalain-lain nga mga film festival.

Ang Award-winning actress nga si  Iza Calzado maoy usa sa mga hurado sa maong kompetisyon ug kauban niya ang  Hollywood actress Geraldine Chaplin, Indian filmmaker Adoor Gopalakrishnan ug Vietnamese director Dao Ba Son.