Melissa ug Charles nagkahanap?

CEBU, Philippines - Niulbo ang mga pagduda nga nagtakilid ang relasyon nila ni Melissa Ricks ug Charles Togezaki.

Ang maong taho nitumaw gumikan sa social media post sa aktres  apan dali ra usab niya kini nga gitangtang. Nakabaton sila og anak nga ginganlan og Kiera, ug pipila sa fans ni Melissa nga nihatag og lawom nga interpretasyon sa post ni Melissa nga matud pa nga nagkuwang ang suporta ni Charles  ngadto sa ilang anak.  “The saying is true... One woman's deadbeat baby daddy is another dumb woman's Prince Charming,” suma pa sa Instagram post sa aktres.  

Sid mi-back out

Ni-back out ang aktor nga si Sid Lucero isip usa sa mga sakop sa Competition Committee (Selection Committee) sa Metro Manila Film Festival.

Matud pa nga busy kaayo ang aktor sa nagkadaiya niya nga mga proyekto, ug ang award winning actor  nga si Ping Medina maoy nihulip sa iyang slot.

Ang chairman sa Selection Committee mao si  Nicanor Tiongson (author, Manunuri member ug  kanhi chairman sa MTRCB). 

Pamilya Ordinaryo nahaog sa London

Na-kalangkat og  duha ka “special jury mentions”  ang Pinoy film nga Pamilya Ordinaryo” sa London East Asia Film Festival sa  United Kingdom sa miaging adlaw.

Nabatyagan sa mga hurado ang hugyaw nga abilidad sa direktor sa maong pelikula nga si Eduardo Roy Jr. ug ang pag-arte sa usa sa mga bida niini nga si Hasmine Kilip. Kahinumdoman nga nakadawat usab kaniadto  og  Premio del Pubblico BNLo  Audience Prize award ang maong pelikula  sa  Venice International Film Festival. Nakalangkat  usab kini og mga pasidungog kaniadto sa  Cinemalaya Philippine Independent Film Festival, kini sama sa  Best Full Length Feature Film ug  Best Actress alang kang Hasmine.