CHURVA: Kylie miarangkada na

Nagsugod  na gyud sa iyang mga responsibilidad isip Miss International 2016 si Kylie Verzosa. Gipaambit ni Kylie ngadto sa iyang followers ang tipik sa labing unang tahas nga gibuhat sa beauty queen ug mao kini ang pagbisita sa usa ka pearl farm ug pag-apil sa usa ka women’s entrepreneurship forum.

Daghan og nakat-onan

Gibutyag sa Popstar Royalty nga si Sarah Geronimo nga hingpit na gyud siyang nibalik sa iyang career human sa duha ka buwan nga bakasyon. Giangkon ni Sarah nga daghan siya og na-realize samtang  nipahuway sa showbiz. ”I realized na you don’t work for other people to please them,” matud pa sa singer.

Jake nasupalpal

Nasupalpal si Jake Ejercito sa dihang nisegunda og post sa Instagram si Jaclyn Jose isip tubag sa viral photo sa aktor ug anak niini nga si Ellie atol sa Halloween trick and treat. “She will always a princess before you and will always be.I slayed all the dragons before you. You could have slayed the dragons before this. But you chose not to. You can’t all of a sudden slay. You do not have the tool,” paghot pa sa aktres.

Nahigugma gyud!

“Mahal na mahal ,”  kini ang deretsong tubag ni Sam Milby sa dihang gipangutana kini ni Zanjoe Marudo kung nahigugma ba gyud siya sa non-showbiz girlfriend  niini nga si Mari Jasmine. Unang nag-post og hulagway si Jasmine ug Sam nga kuha didto sa Japan ug dinhi na nisugod og pasiaw og comment si Zanjoe.

Lahi ra sa uban

Gipaambit sa direktor sa pelikulang Working Beks  nga si Chris Martinez  nga usa ka dakong hagit alang kaniya ang  pagkumbinsir sa  male audience sa maong proyekto.  Gibutyag usab sa direktor nga lahi  ra kini sa mga  nag-unang gay-themed film gumikan kay matud pa  nagpakita kini og “empowerment” , “ respect,”  ug “ love wins”.

Malipayon sa pagka-single

Mapasalamaton si Bea Binene human siya giingnan  ni Derrick Monasterio nga usa siya ka “girlfriend material” . Gitataw hinuon sa aktres nga wala pa siya’y plano nga mosulod pagbalik og seryosong relasyon.

Nagkahimamat na gyud!

Nagkahimamat sa unang higayon silang Marina Benipayo ug sa ex-wife sa uyab niini nga si Snooky Serna. Nagkita ang duha sa cast pictorial sa bag-ong afternoon series   sa GMA-7 nga Hahamakin Ang Lahat. Lima katuig  na nga nag-uban sila si Marina ug ang  ex-husband ni Snooky nga si Ricardo Cepeda.

Bianca nagdahom

Malaumon ang Kapuso actress nga si Bianca Umali nga siya gyud ang leading lady ni Miguel Tanfelix sa himoong remake sa Mulawin. Taud-taud na pud nga wala nagkauban ang duha sa usa ka proyekto busa malaumon kini nga magkapares gyud sila og balik.“Siyempre, sino pa po ba ang magiging leading lady niya? Kine-claim ko na po,” matud pa sa aktres.

Nagpa-relax sa Korea

Gisurpresa sa tibuok cast ug crew sa seryeng  “Till I Met You” ang bida niini  nga si Nadine Lustre sa wala pa kini nagsaulog sa iyang adlawng natawhan niadtong Lunes. Ang 23-anyos nga aktres tua sa South Korea kauban sa real-life boyfriend niini nga si James Reid ug mga higala ug didto nagsaulog sa iyang birthday.

Nag-antos sa drepresyon

Gibutyag sa 10-time Grammy winner nga si Adele nga nag-antos og tumang depresyon  sukad pa niadtong bata pa siya ug hangtod karon nga aduna na siya’y anak. Grabe ang giagian sa British singer ug gihulagway niya isip “very dark side” sa iyang kinabuhi ang kasinatian sa dihang nagpatambal pa kini.