Imelda mi-resign isip Miss Philippines Earth
CEBU, Philippines - Nakahukom na niadtong Lunes ang Miss Philippines Earth nga si Imelda Schweighart nga mobiya na sa gihuptan niya nga korona.
Nahitabo kini human nakontrobersyal ang mensahe niya sa bag-ohay lang nga nakoronahan nga Miss Earth 2016 nga si Katherine Espin kinsa pambato sa Ecuador.
Kahinumdoman nga nahimong viral ang iyang video kung nilenggua si Imelda og, “Yung nanalo peke ilong, peke baba, peke boobs! Miss Earth, dapat natural.” Napakyas si Imelda sa pagsulod sa Top 16 sa gipahigayong Miss Earth 2016.
Ang Miss Philippines Earth First Runner-up nga si Kiara Giel Gregorio mao ang mopadayon sa iyang gibiyaan nga obligasyon.
Samtang sa interview kang Imelda sa CNN Philippines , nangayo kini og pasaylo kang Miss Ecuador apan dala kini pasingit.
“If it’s a crime to tell the truth, I’m sorry,” matud pa niya.
Sa laing bahin, mipadangat usab og mensahe si Katherine ngadto kang Imelda.
“She is a woman. She has dreams. If she decided this, it’s her decision. She’s a grown up already and she knows what’s best for her”, matud pa ni Katherine.
Dugang pa ni Katherine nga nakadungog siya og mga hungihong sa bati nga panghitabo human sa iyang kadaugan.
- Latest
