Dennis inaalalayan si Jennylyn sa pagdadalamhati!

Tuloy pa rin ang pa-block screening ng fans para sa pelikulang Bakit Lahat ng Gwapo may Boyfriend?! at nakakatuwang malaman na pati ang fans nina Dennis Trillo at Jennlyn Mercado, ay sinuportahan ang pelikula.

Samantala, pinuri si Dennis nang mag-donate ng dugo para sa pumanaw na ina ni Jennylyn. Hindi man magkapareho ang blood type ng dalawa, puwedeng ipagpalit ang nakuhang dugo kay Dennis sa nakuhang dugo na ka-type ng dugo ni Mommy Lydia. Siguradong inaalalayan ni Dennis si Jennylyn sa pagda­da­lamhati nito.

Close si Dennis kay Mommy Lydia at naalala namin noong break sina Dennis at Jennylyn, friends pa rin ang dalawa. Nag-uusap sila ‘pag nagkikita.

Bagong babae sa buhay ni Paulo maraming kontrobersiya

Nag-artista rin pala ang nali-link kay Paulo Avelino ngayon na si Natasha Ecleo Villaroman dahil kasama siya sa cast ng 2014 movie na Island Dreams. Si Louise delos Reyes ang bida sa movie, kaya hindi masyadong napansin si Natasha.

Ngayon lang umingay ang pangalan ng dalaga sa mga taga-showbiz nang ma-link kay Paulo. Anak si Natasha ng governor ng Dinagat Island at print and commercial model. Busy siya ngayon sa business ng kanilang pamilya.

Sa mga litratong magkasama sila, la­ging sina Paulo at Natasha ang magkatabi at magkadikit at marami silang dinaluhang non-showbiz event, kaya feeling ng fans ng aktor, special sa kanya si Natasha.

Iyon nga lang dahil sa pagkaka-link kay Paulo, ang daming isyu na lumabas kay Natasha. Hindi naman after sa isyu si Paulo, kaya ipagpatuloy mo lang ‘yan.