Jake mihimakak sa isyu

CEBU, Philippines - Hugtanong gihimakak ni Jake Cuenca ang nitumaw nga taho nga matud pa nakamugna siya og komosyon atol sa acceptance speech ni Jericho Rosales sa Star Magic Ball.

Giangkon sa aktor nga nakainom siya niadtong higayon apan dili tinuod ang istorya nga nakahatag siya og kahasol sa ubang tawo.

“Definitely I had way too much fun. Medyo naparami ako ng inom so inalalayan ako ng handler ko, ng dalawang road manager ko. Medyo nagmukha lang na may commotion pero in reality, I was having way too much fun and they just wanted me to go up and rest,” matud pa ni Jake.

Sa laing bahin, mihangyo si Jake sa publiko nga dili unta hatagan og malisya ang kasuod nila ni Ellen Adarna nga nakauban niya kaniadto sa seryeng Pasion de Amor.

 “Hindi ko ide-deny 'yung fact na magkaibigan kami ni Ellen talaga. Walang wala. Kung meron akong katumbas, kung may babaeng version ko, si Ellen 'yun. Magkasama kami, me, Mark Nicdao and Ellen. We are really good friends so sana huwag na bigyan ng malisya ng tao 'yun because there’s nothing,” nagkanayon ang aktor.

Sa pagka-karon, gi-enjoy ni Jake ang iyang kaugalingon aron maka-move on sa breakup nila ni Sara Grace Kelley . 

Aduna’y i-produce nga pelikula si Jake puhon  ug iyaha kining isalmot sa  Cinemalaya Film Festival. (BANAT NEWS)