Dick Israel namahinga na sa edad na 68!

Sumakabilang-buhay na ang two-time Best Supporting Actor Dick Israel (Ricardo Vizcarra Michaca in real life) last Tuesday (Oct. 11) ng 7:30 ng gabi sa edad na 68 at tuluyan nang winakasan ang matagal na rin niyang paghihirap magmula nang siya’y magkasakit dahil sa atake sa puso at kumplikasyon nito.

Iniwan ni Dick ang kanyang ex-wife na si Melinda Michaca at tatlong anak na sina Wayne, Raksi, at Lara.

Ayon sa aktres na si Nadia Montenegro, ang burol ni Dick ay sa St. Peter, Araneta Avenue na nagsimula kagabi (Oct. 12) ng alas-8 ng gabi para sa pamilya at mga kaibigan at kasunod na ang public viewing.

Inaasahan din ang pagdating galing sa ibang bansa ng kanyang kaisa-isang anak na babae.

Mahigit isang daang pelikula na ang kanyang nagawa na pawang kontrabida ang role na ginampanan tulad noon ng mga yumaong sina Max Alvarado at Paquito Diaz at kasama rito ang dalawang pelikula na nakapagbigay sa kanya ng Best Supporting trophy, ang Patrolman in 1988 na naging kalahok sa Metro Manila Film Festival (MMFF) at ang Kanto Boy: Anak ni Totoy Guwapo in 1995 mula sa FAMAS.

Noong nakaraang July lamang ay bumuhos ang tulong kay Dick mula sa iba’t ibang sector lalo na from showbiz nang i-upload ng isang nagmamalasakit sa beteranong aktor ang kanyang nakakaawang kalagayan matapos masunugan ng bahay at atakihin sa puso.

Huling napanood si Dick sa MMFF movie na Boy Golden na pinagbidahan ni Jorge Estregan (E.R. Ejercito) katambal si KC Concepcion at idinirek ni Chito Roño.

KC hindi tinularan ng kapatid na si Cloie

Ang half-sister ni KC Concepcion na si Cloie Skarne ang nagbuking sa kanyang ate na couple na umano sila ng rumored boyfriend nitong dating Azkals captain na si Alexander Charles Luis “Aly” Borromeo, 33.

Si Cloie ay half-sister ni KC sa father side dahil ang biological father ni Cloie ay ang actor na si Gabby Concepcion na ex-husband ng respective moms nina KC at Cloie na sina Sharon Cuneta at Jenny Syquia.

Nang maghiwalay sina Gabby at Jenny, nag-asawa ito ng Swedish national na si Filip Skarne who later adopted Cloie kaya tangan nito ngayon ang apelyidong Skarne sa halip na Concepcion.

Cloie is currently in town for the Miss Earth competition kung saan niya nire-represent ang Sweden sa halip na Pilipinas.

Kris nanghingi ng damay kay Herbert!

Isang malapit sa ex-GF ni Quezon City Mayor Herbert Bautista na si Tates Gana ang nagsabi sa amin na kahit wala na umano ang dalawa, nanatili pa rin silang magkaibigan dahil sa kanilang dalawang anak na sina Athena at Harvey.

Hindi man nakalusot si Tates nitong nakaraang halalan bilang konsehal ng isang distrito ng Quezon City, patuloy pa rin ang kanyang maraming activities na may kinalaman sa public service na siya ring tema ng kanyang daily radio/TV program sa DZRJ 810 AM na napapanood din sa Cablelink Channel 7 at sa live streaming.

Samantala, si Kris Aquino mismo ang nagbalita sa kanyang Instagram account na nag-lunch sila ni QC Mayor Herbert kamakailan lamang para “damayan” siya sa kanyang pinagdadaanan ngayon matapos siyang umalis sa ABS-CBN na naging tahanan niya sa loob ng 20 taon.

Sina Kris at Mayor Herbert ay nagkaroon ng short-lived romance na naudlot dahil sa pag-ayaw umano sa kanilang relasyon ng mga anak mismo ng alkalde ng Quezon City.