John Wayne Sace luwas na sa peligro

CEBU, Philippines - Gipadayag sa igsuong babaye ni John Wayne  Sace nga luwas na ang maong aktor human kini pusila niadtong October 10 sa gabii sa Pasig City, samtang ang  kauban niini nakabsan sa iyang kinabuhi.

Suma pa nga duha ka lalaki ang nagsakay og motorsiklo ang nipusil sa maong aktor ug sa higala niini nga si Erik Sabino kinsa dead on arrival na pag-abot sa Rizal Medical Center.

Sa Facebook post sa igsuon ni John nga  ni Queen Sace,  nagpasalamat kini sa tanang simpatiya nga ilang nadawat

“My brother is out of danger. In behalf of our family, we thank all those who prayed for his safety. “Opposite from what was in the news or in the social media, my brod had undergone series of test[s] and now in a stable vitality,” matud pa ni Queen.

Padayong  gisusi ang  motibo sa pagpamusil sa maong aktor . Kanhi talent sa Star Magic si John ug nahimo kini nga sakop sa all-male-group nga Anime.  

Matud pa nga nalakip si John sa drug watchlist sa ilang dapit busa usa kini sa gitan-aw nga anggulo.

Kahinumdoman nga kalit nga napalong ang career niini human kini nigamit og ginadiling drugas

FYI

“A Night of Equality” , mao kini ang tema sa Queen of Pasil 2016 nga mahitabo na karong  Nobiyembre. Gipaambit sa over all organizer niini nga si Arjay Obquia nga open ang maong search sa tanang mga bayot nga feeling and looking girl. Ang screening mahitabo karong October 15-16 sa Pasil Gym 1:00-5:00pm. Sa mga interesado magdala lang og usa ka  whole body picture ug little white dress.

Dick Israel mipanaw na

Mitaliwan na ang character actor nga si Dick Israel o  Ricardo Vizcarra Michaca sa tinuod nga kinabuhi niadtong  Martes sa gabii, October 11.

Kini maoy gipahibalo sa  beteranang aktres nga si Vivian Velez pinaagi sa  iyang Facebook account. 

Dugang pa niya nga namatay ang beteranong aktor sulod sa iyang pinuy-anan.

Nasayran usab sa PEP.ph gikan sa aktres nga si Ara Mina nga cardiac arrest maoy gikamatyan ni Dick sa edad nga  68.

Giingong nabalaka na og maayo ang aktor sukad pa sa miaging adlaw  human nalandig sa tambalanan ang asawa niini  ug kasamtangang na- comatose.

Dili pa lang dugay, nagtampo-tampo   ang pipila ka celebrities alang sa medikasyon sa  aktor nga naglisod na sa paglihok ug pag-istorya sukad kini na- stroke niadtong 2010.

Nasayran sa publiko ang kahimtang ni Dick sa dihang nag-viral ang hulagway niini nga gi-upload sa usa ka netizen.

Nagsugod ang acting career ni Dick niadtong dekada 70 ug nakahimo na siya’g kapin 300 ka mga proyekto sa pelikula ug telebisyon

Naila ang aktor sa iyang pagka kontrabida sa nagkadaiyang  action films .  Katapusan siya nga nilugwa sa  pelikulang Boy Golden niadtong  2013. (BANAT NEWS)